धवलागिरी गाउँपालिका कार्यपालिका सदस्य निर्वाचनमा गठबन्धनका उम्मेदवार विजयी

बेनी ।म्याग्दीको धवलागिरी गाउँपालिकाको कार्यपालिका सदस्यको निर्वाचनमा गठबन्धनका उम्मेदवारहरु बिजयी भएका छन् । कांग्रेसका ३ ,माओवादीका २ र एकीकृत समाजवादीका एक जना उम्मेदवार विजयी भएका हुन् ।

अल्पसंख्यक वा दलित कार्यपालिका सदस्यमा नेपाली कांग्रेसका भविन्द्र छन्त्याल र स्वतन्त्र उम्मेद्धार देउ प्रसाद पनुले २०र२० मत पाएर निर्वाचित हुनुभएको सहायक निर्वाचन अधिकृत पूर्ण बहादुरले जानकारी दिनुभयो । स्वतन्त्रबाट कार्यपालिका सदस्यमा निर्वाचित छन्त्याल नेकपा एकिकृत समाजवादीका नेता हुनुहुन्छ ।

उहाँ यसअघि पनि कार्यपालिका सदस्य हुनुहुन्थ्यो । अल्पसंख्यक वा दलित कार्यपालिका सदस्यमा एमालेका करण छन्त्यालले १५, बल बहादुर बिकले १६ मत पाउनुभएको थियो । एक मत बदर भएको छ । यसैगरी महिला कार्यपालिका सदस्यमा नेपाली कांग्रेसकी फुलमाया बुढाथोकी , नर कुमारी बुढाथोकी , नेकपा माओवादी केन्द्रका डिल कुमारी बि.क र सिता कुमारी छन्त्यालले २१र२१ मत पाएर विजयी हुनुभएको छ ।

एमालेका गंगा देवी पुन , दिल माया बिक, राज कुमारी कामी र सन्ता गर्बुजाले १६र१६ मत पाउनुभयो । धवलागिरीको गाउँसभामा ३७ जना मतदाता छन् । १५ सदस्यीय धवलागिरीको कार्यपालिकामा गठबन्धनको बहुमत पुगेको छ । कार्यपालिकामा एमालेका तीन जना मात्र भएका छन् ।

नेपाली कांग्रेसबाट गाउँपालिका अध्यक्ष , दुई जना वडा अध्यक्ष सहित १३ जना , नेकपा माओवादी केन्द्रसंग गाउँपालिका उपाध्यक्ष , दुई जना वडा अध्यक्ष सहित१४ जना र एक जना स्वतन्त्र विजयी भएका थिए ।

 

 

 

सम्बन्धित समाचार

thumbnail

धवलागिरी गाउँपालिकाको ४० करोड ४९ लाख ४९ हजार रुपैयाँ बजेट पारित

म्याग्दी । म्याग्दीको धवलागिरी गाउँपालिकामा कुल  ४० करोड ४९ लाख ४९ हजार रुपैयाँको बजेट पारित भएको छ । गाउँपालिकाको केन्द्र मुनामा सम्पन्न १६ औँ गाउँ सभामा अध्यक्ष प्रेमप्रसाद पुनले प्रस्तुत गर्नुभएको आगामी…

thumbnail

दुर्गम खाम्लामा सडक पुग्यो

म्याग्दी । म्याग्दीको दुर्गम धवलागिरि गाउँपालिका –४, स्थित खाम्लामा सडक पुगेको छ । यस क्षेत्रमा निर्माण हुने तीनवटा जलविद्युत आयोजनाले संयुक्त रुपमा मालिका गाउँपालिका –७, खारादेखि खाम्लासम्म १० किलो मिटर सडकको ट्रयाक…

thumbnail

धवलागिरी गाउँपालिकामा आइतबार बिदा नहुने

बेनी ।म्याग्दीको धवलागिरी गाउँपालिकाले आईतबार सार्वजनिक विदा नदिने भएको छ ।मुनामा गाउँपालिका अध्यक्ष प्रेमप्रसाद पुनको अध्यक्षतामा सोमबार बसेको कार्यपालिकाको पहिलो बैठकलले गाउँपालिकाकाको कार्यालय, वडा कार्यालय र विद्यालय शनिबार बाहेक आईतबार देखि शुक्रबारसम्म…