युगान्डासँगको दोस्रो खेलमा नेपाल १ विकेटले पराजित

काठमाडौं । नेपाल र युगान्डाबीचको दोस्रो टी-२० अन्तर्राष्ट्रिय क्रिकेटमा नेपाल १ विकेटले पराजित भएको छ । कीर्तिपुरस्थित त्रिवि क्रिकेट मैदानमा टस जितेर फिल्डिङ रोजेको नेपालले दिएको १०२ रनको लक्ष्य १९.५ ओभरमा पूरा गरेको हो । खेलमा युगान्डाले अन्तिम बलमा जित निकाल्दै रोमाञ्चक तरिकाले जित निकालेको हो ।

पाँच खेल सम्मिलित सिरिजमा लगातार २ जित दर्ता गर्दै युगान्डाले यश सिरिजमा अग्रता कायम राखेको छ । युगान्डाका लागि ओपनरद्वय केभिन विनो र लियोना बर्वीले क्रमश: ४ र ९ रनमा आउट भए । दोहोरो अंक बनाउन नसकेका ओपनरद्वयको कसर तेस्रो र चौथो क्रममा आएका जानेत बाबाबजी र रिता मुसामानीले पूरा गरे । तेस्रो क्रमकी जानेतले १६ र चौथो क्रममा आएकी रिताले ३० रन बनाइन् । पाँचौं क्रमकी ब्याटर फ्रङ्क्लिन नजुम्बाले १९ रन बनाउँदै क्याच आउट भइन् ।

छैटौं क्रममा आएकी रीता न्याङ्दो भने २ रनमा नै रुविना क्षेत्रीबाट क्याच आउट भइन्। सातौं क्रममा आएकी फियोना कुलुमी पाँच रनमा बोल्डआउट भइन् । आठौं क्रकी ब्याटर इभ्ल्यान एनिपो गोल्डेन डक भइन् । नवौं क्रमकी ब्याटर कोन्की अवे २ रनमा अविजित रहिन् भने दशौं क्रमकी ब्याटर सारा वलजा रनआउट भइन् । एघारौं क्रममा आएकी सारा अकितेङ ३ रनमा अविजित रहिन् ।नेपालका लागि कविता कुँवर र सबनम राईले समान २र२ विकेट लिए । रुविना क्षेत्री र सीता रानामगरले समान १र१ विकेट लिए ।

त्यसअघि टस हारेर ब्याटिङ रोजेको नेपालले निर्धारित २० ओभरमा ७ विकेट गुमाएर १०१ रनको योगफल तयार पारेको थियो ।नेपालका लागि ओपनिङमा आएकी बिन्दु रावलले २ चौकासहित सर्वाधिक २६ रन बनाइन् । चौथो नम्बरमा क्रिजमा आएकी सरिता मगर २२ रन बनाएर आउट भइन् । युगान्डाको वलिङमा जानेत बाबाजीले सर्वाधिक २ विकेट लिइन् । इभेलेन एनपियो, कोन्की अवेको, रिता मुसामालीले समान एक विकेट लिए । अनलाइनखबरबाट

सम्बन्धित समाचार

thumbnail

एनआरटीले मलेसियामा टीवाईटी कप खेल्ने

काठमाडौं । ए डिभिजन क्लब न्युरोड टिम एनआरटीले मलेसियामा हुने टीवाईटी कप फुटबलमा भाग लिने भएको छ । सोमबार बेलुकी ७ बजे मलेसिया प्रस्थान गर्ने टोलीलाई क्लबले बिदाइ गरेको छ । क्लबका…

thumbnail

सन्दीपको कप्तानीमा नेपाली क्रिकेट टोली घोषणा

काठमाडौँ । क्यानडाबिरुद्धको दुई एक दिवसीय खेल र आइसिसि विश्वकप क्रिकेट लिग–२ अन्तर्गत स्कटल्याण्ड भ्रमणका लागि सन्दीप लामिछानेको कप्तानीमा नेपाल क्रिकेट संघ (क्यान) ले १४ सदस्यीय राष्ट्रिय क्रिकेट टोलीको घोषणा गरेको छ…

thumbnail

नेपालले क्यानडासँग २ एक दिवसीय शृङ्खला खेल्ने

काठमाडौं । नेपालले क्यानडामा दुई वटा एक दिवसीय खेल खेल्ने भएको छ । नेपाली टिम खेलका लागि असार १४ गते राति २ देखि ३ बजेभित्रको समयमा क्यानडा उड्ने गरी टिकटको व्यवस्थापनमा लागेको…