एसपीपीबारे सत्यतथ्य पत्ता लगाउन समिति बन्नुपर्छ : पोखरेल

काठमाडौँ । एमालेका वरिष्ठ अध्यक्ष तथा सांसद ईश्वर पोखरेलले एसपीपीबारे सत्यतथ्य पत्ता लगाउन समिति गठनको माग गर्नुभएको छ । प्रतिनिधिसभा अन्तर्राष्ट्रिय सम्बन्ध समितिको शुक्रबारको बैठकमा पूर्वउपप्रधान तथा रक्षामन्त्री पोखरेलले एसपीपीबारे कुन मितिमा कसले के गरेका थिए भन्नेबारे स्पष्ट पार्न समिति गठनको माग गनुभएको हो ।

एमाले सांसद भीम रावल र कांग्रेस सचेतक पुष्पा भुसालले सन् २०१९ मा नेपाल एसपीपीमा सहभागी भएको र त्यतिबेला प्रधानमन्त्री र रक्षामन्त्रीको जिम्मेवारीमा को थियो भन्ने प्रश्नको जवाफमा पोखरेलले उक्त माग गर्नुभएको हो । ‘आउने दिनमा यस्तो तलवितल नहोस् भनेर समिति बन्नुपर्छ । कसको पालामा के भएको थियो भन्ने जान्न समिति बन्नु जरुरी छ,’समिति सभापति पवित्रा निरौला खरेलसँग पोखरेलको माग थियो ।एसपीपीबारे कुन सरकार र मन्त्रीका पालामा के काम तथा पत्राचार भएका थिए भन्ने समयक्रम स्पष्ट पार्नुपर्ने पोखरेलको भनाइ थियो ।

‘एसपीपीको क्रोनोलोजीबारे समितिले थाहा पाउनुपर्छ र एसपीपीबारे थाहा पाउनुपर्छ । समितिमा जे मनमा लाग्यो त्यही भनिएको छ र,’ उहाँले भन्नुभयो ।पोखरेलले १० सेप्टेम्बर २०१५ मा जंगी अड्डाले रक्षा मन्त्रालयलाई एसपीपी सहभागिताका लागि पत्र पठाएको त्यसको २० दिनपछि तत्कालीन प्रधानमन्त्री तथा रक्षामन्त्री सुशील कोइरालाले स्वीकृति दिएको र सोही आधारमा ओली नेतृत्वमा सरकार बनेपछि सेनाले अमेरिकी दूतावासलाई पत्र लेखेको दाबी गर्नुभयो । सन् २०१९ मा एसपीपीलाई आईपीएस सैन्य गठबन्धनमा जोडेपछि सचिवकै नेतृत्वमा समिति गठन गरेको र संलग्न नहुने बताउनुभयो । ekantipurबाट

सम्बन्धित समाचार

thumbnail

सरकारी जागिर खान शैक्षिक योग्यताको प्रमाणपत्र किर्ते गरेको आरोपमा एक पक्राउ

काठमाडौँ । शैक्षिक योग्यताको प्रमाणपत्र किर्ते गरेको आरोपमा प्रहरीले एक जनालाई पक्राउ गरेको छ। भूमि व्यवस्था, सहकारी तथा गरिबी निवारण मन्त्रालय अन्तर्गतको राष्ट्रिय सहकारी विकास बोर्डको सञ्चालक पदको नियुक्तिको लागि नक्कली प्रमाणपत्र…

thumbnail

देश विदेशका खर्चबाट अभियन्ता भेटिन्छन् तर प्रतिफल बाहिर आएको छैन : ओली

काठमाडौँ । नेकपा एमालेका अध्यक्ष केपी शर्मा ओलीले अभियन्ताहरु थुप्रै भए पनि प्रतिफल आउन नसकेको टिप्पणी गर्नुभएको छ । मदन भण्डारीको ७१ औं जन्मजयन्तीका अवसरमा आयोजित समारोहलाई सम्बोधन गर्दै ओलीले यस्तो धारणा…

thumbnail

काठमाडौंको फोहोर दुई दिन बञ्चरेडाँडामा नलैजाने

काठमाडौँ । सिसडोलदेखि बञ्चरेडाँडासम्म जाने बाटो मर्मतको काम गर्नुपर्ने भएकाले आज र भोलि काठमाडौं उपत्यकाको फोहोर व्यवस्थापन कार्य प्रभावित हुने भएको छ। नुवाकोटको सिसडोलमा यसअघि थुपारिएको फोहोरको कारण बञ्चरेडाँडासम्म गाडी आउनरजानका लागि…