निजगढमा अन्तर्राष्ट्रिय विमानस्थल जुनसुकै हालतमा बन्‍नुपर्छ : मुख्यमन्त्री राउत

काठमाडौँ । मधेस प्रदेशका मुख्यमन्त्री लालबाबु राउतसँग निजगढ सार्वजनिक सरोकार समिति र स्वतन्त्र युवा तथा विद्यार्थी सरोकार समितिले निजगढ विमानस्थल निर्माणको वातावरण बनाइदिन आग्रह गर्नुभएको छ ।

सर्वोच्च अदालतको आदेशपछि निर्माण कार्य प्रभावित रहेको बेला दुवै समितिका अगुवाहरू प्रदेश राजधानी जनकपुर पुगेर मुख्यमन्त्री राउतलाई ज्ञापनपत्र बुझाउँदै उक्त आग्रह गर्नुभएको हो ।  ज्ञापनपत्र बुझ्दै मुख्यमन्त्री राउतले विमानस्थल निर्माणका लागि मधेस प्रदेशबाट पूर्ण सहयोग हुने बताउनुभयो । विमानस्थल निर्माण भए मधेसको आर्थिक, पर्यटन र विकासको मेरुदण्ड हुने उहाँको भनाइ छ ।

‘कुनै पनि हालतमा निजगढ विमानस्थल बन्‍नुपर्छ र कुनै बहानाले यो आयोजनालाई आलटाल गर्नुहुन्‍न । कोही कसैले स्थान परिवतर्न गर्ने सोचेको छ भने यो हुन दिनुहुन्‍न’, मुख्यमन्त्री राउतले मङ्‍गलबार भन्नुभयो । प्रदेश सांसद रामबाबु यादवले पनि विमानस्थल बनाउनुपर्ने कुरामा जोड दिनुभयो । उहाँले निजगढ अन्तर्राष्ट्रिय विमानस्थलको विकल्प नरहेको बताउनुभयो ।

समितिहरूले यसअघि नै प्रधानमन्त्री शेरबहादुर देउवा, नेकपा एमालेका अध्यक्ष केपी शर्मा ओली, नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’, नेकपा (एकीकृत समाजवादी)का अध्यक्ष माधवकुमार नेपाल, पर्यटनमन्त्री प्रेमबहादुर आले, अर्थमन्त्री जनार्दन शर्मा, वनमन्त्री रामसहायप्रसाद यादव, जनता समाजवादी पार्टी (जसपा) अध्यक्ष उपेन्द्र यादव, लोकतान्त्रिक समाजवादी पार्टीका अध्यक्ष महन्थ ठाकुर तथा अध्यक्ष मण्डलका सदस्य राजेन्द्र महतोलगायतलाई ज्ञापनपत्र बुझाउनुभएको छ ।

विमानस्थल निर्माणको सुनिश्‍चितता नभए आन्दोलन गर्ने निजगढ सरोकार समिति संयोजक एकबहादुर श्रेष्ठले बताउनुभयो । उहाँले वातावरणीय सन्तुलन कायम गर्दै विमानस्थललाई ‘ग्रिन एयरपोर्ट’ बनाउने चाहना रहेकाले विमानस्थल निर्माणमा पहल गरिदिन सबै दल र पक्षलाई आग्रह गरिएको उहाँले बताउनुभयो । रातोपाटीबाट

सम्बन्धित समाचार

thumbnail

रघुगंगा गाउँपालिकामा लागु औषध दुरुपयोग तथा ओसार पसार विरुद्धको अन्तर्राष्ट्रिय दिवस मनाइयो

म्याग्दी। म्याग्दीको रघुगंगा गाउँपालिकामा लागु औषध दुरुपयोग तथा ओसार पसार विरुद्धको अन्तर्राष्ट्रिय दिवस विविध कार्यक्रम गरि मनाइएको छ । आइतवार रघुगंगा गाउँपालिका–३ स्थित रघुगंगा माध्यमिक विद्यालय र रघुगंगा गाउँपालिका–१,तिप्ल्याङ स्थित कालिका माध्यमिक…

thumbnail

रघुगंगा नदीमा आएको बाढीले स्काभेटर बगायो

म्याग्दी । म्याग्दीको रघुगंगा नदीमा आएको बाढीले स्काभेटर बगाएको छ । शनिवार राती रघुगंगा नदीमा आएको बाढीले राहुघाट जलविद्युत आयोजनाका ड्याम साइटमा काम गरेर नदी किनारमा पार्किङ्ग गरि राखेको ठाउँमा कटान गरेर…

thumbnail

आगामी निर्वाचनमा ३३ प्रतिशत महिला उम्मेदवार बनाउन भुसालको माग

काठमाडौँ । नेपाली काँग्रेसकी सांसद पुष्पा भुसालले आगामी संघ र प्रदेश सभाको निर्वाचनमा प्रत्येक्षतर्फ कम्तिमा ३३ प्रतिशत महिला उम्मेदवार बनाउन सरकारसँग माग गर्नुभएको छ। आईतबार प्रतिनिधिसभा बैठकको विशेष समयमा बोल्दै भुसालले प्रत्येक्ष…