प्रधानसेनापतिलाई समितिमा बोलाएर कारबाही गरेजस्तो भयो : कोइराला

काठमाडौँ । पूर्वपरराष्ट्रमन्त्री तथा नेपाली कांग्रेसकी सांसद सुजाता कोइरालाले प्रधानसेनापति प्रभुराम शर्मालाई एसपीपीबारे छलफलका लागि अन्तर्राष्ट्रिय सम्बन्ध समितिका बोलाएकोप्रति आपत्ति जनाउनुभएको छ ।

प्रतिनिधिसभा अन्तर्राष्ट्रिय सम्बन्ध समितिले एसपीपीबारे छलफल गर्न शुक्रबार प्रधानसेनापति शर्मालाई बोलाएको थियो । समितिले बिहान ९ बजेदेखि प्रधानसेनापतिलगायतसँग छलफल गरिरहेको छ । समिति सदस्य कोइरालाले प्रधानसेनापतिलाई बोलाएकोबारे आपत्ति जनाउनुभयो । ‘देशको प्रधानसेनापतिलाई यसरी समितिमा बोलाएर राख्दा कारबाही गरेजस्तो भयो । अरु मुलुकले के भन्लान् ?,’ उहाँको भनाइ थियो ।

समितिमा धेरै राष्ट्रवाद देखिएकाले देश विकास नहुने पनि कोइरालाको भनाइ थियो । काम गर्नुपर्ने बेला राष्ट्रवादका विषयमा घण्टौं छलफल र गफमात्र भएको भन्दै उहाँले समिति सभापति पवित्रा निरौला खरेलसँग असन्तुष्टि पोख्नुभयो । एसपीपीबारे प्रधानमन्त्री शेरबहादुर देउवा, परराष्ट्रमन्त्री नारायण खड्का र प्रधानसेनापति प्रभुराम शर्माले स्पष्ट पार्दा पनि समिति बैठक बोलाएकोमा कोइरालाको आपत्ति थियो । उहाँले निश्चित देशहरूप्रतिको पूर्वाग्रहले यी विषय आएको आरोप लगाउनुभयो ।

‘हाम्रो सेना चीन पनि गएको हुन्छ, केही कुरा हुँदैन । भारत र अमेरिकाको कुरा आउँदा किन अफगानिस्तान बन्छ भनिन्छ ? किन आशंका गरिन्छ ?,’ उहाँले प्रश्न गर्नुभयो । समिति सभापति खरेलले भने विवाद सार्वजनिक भएपनि विषय स्पष्ट पार्नका लागि प्रधानसेनापति बोलाइएको भन्दै कोइरालालाई जवाफ दिनुभयो । ‘एसपीपीको विषय सडक र संसद्‌मा उठिसकेपछि प्रधानसेनापतिलाई बोलाइएको हो, सजाय दिनका लागि होइन ।’ ekantipurबाट

सम्बन्धित समाचार

thumbnail

नगरपालिकाद्वारा विद्यालयलाई ल्यापटप वितरण

म्याग्दी । म्याग्दीको बेनी नगरपालिकाद्वारा आज (बिहीबार) नगरपालिकाअन्तर्गत विभिन्न वडामा सञ्चालनमा रहेका विद्यालयहरुलाई ल्यापटप वितरण भएको छ । नेपाल सरकारको चालु आर्थिक वर्षको वार्षिक स्वीकृत कार्यक्रमअनुसार नगरपालिकालाई प्राप्त सशर्ततर्फको कार्यक्रमबाट विद्यालयलाई ल्यापटप…

thumbnail

सिङ्गामा महिलाहरुको पाठेघर खस्ने रोगको स्क्रिनिङ सम्बन्धी भिआइए परीक्षण

निःशुल्क स्वास्थ्य शिविरबाट ग्रामीण भेगका सर्वसाधारणहरु लाभान्वित म्याग्दी ।म्याग्दीको बेनी नगरपालिकाको आयोजनामा हिँजो (बुधवार) बेनपा–४, सिङ्गामा निःशुल्क स्वास्थ्यसम्बन्धी शिविर सम्पन्न भएको छ । महिलामा पाठेघर खस्ने रोगको स्क्रिनिङ, रिङपेशरी तथा भिआइए जाँचसम्बन्धी…

thumbnail

तमानखोला गाउँपालिकाद्धारा बालगृह सञ्चालन

म्याग्दी। बागलुङको तमानखोला गाउँपालिकाले पालिका भित्र रहेका अनाथ, असहाय, अपाङ्गता भएका, अति गरिब बिपन्न बालबालिकाहरुको संरक्षणको लागि बालगृह सञ्चालनमा ल्याएको छ।उनीहरुलाई पालिकाले निशुल्क शिक्षा, स्वास्थ्य, खान, बस्न लगायतको व्यवस्था गरेको छ ।…