मोरङ ४ बाट म चुनाव लड्छु, महेश आचार्य समानुपातिकमा जाँदा राम्रो हुन्छ : घिमिरे

काठमाडौं । नेपाली कांग्रेसका नेता गुरुराज घिमिरेले मोरङ क्षेत्र नम्बर ४ बाट संघीय निर्वाचनमा प्रतिस्पर्धा गर्ने बताउनुभएको छ । मोरङ–४ अघिल्लो पटक कांग्रेस नेता महेश आचार्य उठ्दै आएको क्षेत्र हो । २०७४ को निर्वाचनमा आचार्य माओवादी केन्द्रका नेता अमनलाल मोदीसँग पराजित हुनुभएको थियो ।

२०६४, २०७० र २०७४ को चुनावमा पार्टीले आफूलाई बाहिर राखिसकेको भन्दै घिमिरेले अब भने टिकट माग्ने आफ्नो अधिकार रहेको बताउनुभयो । उहाँले भन्नुभयो, ‘अधिकारपूर्वक माग्ने, अधिकारपूर्वक लिने, लड्ने हो, किन्तुपरन्तु, हेरौंला, विचार गरौंला भन्ने चल्दैन ।’मैले २०६४, २०७०, २०७४ मा पाउनुपर्ने, तीनवटा चुनावमा त मलाई बाहिर राखिसक्यो नि पार्टीले,’ उहाँले भन्नुभयो,

‘तीन चुनावसम्म हामीले हेर्यौं, सघायौं, मद्दत गर्यौं, अरुलाई जिताऔं अथवा जिताउनलाई कोसिस गर्यौं । अब हामीले पाउनुपर्यो र अधिकारपूर्वक यो मागेको हो ।’उहाँले सामाजिक सन्जालमा पनि ‘आगामी चुनाव लड्ने घोषणा गरियो, आगे जनताको इच्छा’ लेख्नुभयो । पार्टीले टिकट नदिए के गर्नु हुन्छ रु भन्ने जिज्ञासामा उहाँले भन्नुभयो, ‘फेरि नदेला कि, अन्याय होला कि भन्ने म कल्पना गर्दिनँ ।’

उहाँले कांग्रेस नेता आचार्यलाई समानुपातिक कोटामा रहन सुझावसमेत दिए । घिमिरेले भन्नुभयो, ‘उहाँ (महेश आचार्य)ले समानुपातिकतिर जाँदा राम्रो हुन्छ । चारपटक लड्नुभयो, एकपटक राष्ट्रिय सभामा जानुभयो, ६ पटक मन्त्री हुनुभयो । एउटा व्यक्तिले प्राप्त गर्ने अवसर कति हो रु हाम्रो उमेरमा त तीनपटक मन्त्री भएर लगभग दुईचोटी चुनाव लडिसक्नु भाथ्यो ।’गुरुराज घिमिरे पौडेल पक्षका नेता मानिनुहुन्छ । उहाँ प्रदेश १ को कांग्रेस सभापतिमा उद्धव थापासँग २ मत अन्तरले पराजित हुनुभएको थियो। अनलाइनखबरबाट

सम्बन्धित समाचार

thumbnail

धवलागिरी गाउँपालिकाको ४० करोड ४९ लाख ४९ हजार रुपैयाँ बजेट पारित

म्याग्दी । म्याग्दीको धवलागिरी गाउँपालिकामा कुल  ४० करोड ४९ लाख ४९ हजार रुपैयाँको बजेट पारित भएको छ । गाउँपालिकाको केन्द्र मुनामा सम्पन्न १६ औँ गाउँ सभामा अध्यक्ष प्रेमप्रसाद पुनले प्रस्तुत गर्नुभएको आगामी…

thumbnail

रघुगंगा गाउँपालिकाको ४६ करोड ८६ लाख २५ हजार रुपैयाँ बजेट पारित

बेनी । म्याग्दीको रघुगंगा गाउँपालिकाले आगामी आर्थिक वर्ष २०७९र८० का लागि रु ४६ करोड ८६ लाख २५ हजार बराबरको बजेट पारित गरेको छ । शुक्रवार सम्पन्न १३ औँ गाउँ सभामा गाउँपालिका अध्यक्ष…

thumbnail

मंगला गाउँपालिकाको १३ औँ गाउँसभा : ४२ करोड ३४ लाखको बजेट पारित

म्याग्दी । म्याग्दीको मंगला गाउँपालिकाले आर्थिक बर्ष २०७९÷०८० का लागि ४२ करोड ३४ लाखको बजेट ल्याएको छ । शुक्रबार गाउँपालिकाको केन्द्र बाबियाचौरमा आयोजित १३ औँ गाउँ सभामा गाउँपालिकाका उपाध्यक्ष प्रेम कुमारी खत्रीले…