म्याग्दीका पाँच जना पत्रकार पुरस्कृत (फोटो फिचर)

बेनी । म्याग्दीमा क्रियाशिल पाँच जना पत्रकार पुरस्कृत हुनुभएको छ । जिल्ला समन्वय समिति म्याग्दीले प्रदान गर्ने विकास पत्रकारीता पुरस्कारबाट सोमबार हरिकृष्ण गौतम,कमल खत्री ,घनश्याम खड्का ,धुर्वसागर शर्मा र ठाकुर प्रसाद आचार्य पुरस्कृत हुनुभएको हो ।

पुरस्कृत पाँच जना पत्रकारहरुलाई सोमबार आयोजित जिल्ला समन्वय समितिको सभाहलमा एक कार्यक्रमका विच जनही दश हजार रुपैयाँ नगद सहित प्रमाणपत्र र दोसल्ला ओडाएर सम्मानित गरिएको छ । खड्कालाई आर्थिक बर्ष २०७३÷७४,शर्मालाई २०७४÷७५,गौतमलाई २०७५÷७६,आचार्यलाई २०७६÷७७ र खत्रीलाई २०७७÷७८ को पुरस्कार प्रदान गरिएको हो ।

उक्त पुरस्कार पुर्व मन्त्री तथा प्रदेशसभा सदस्य नरदेबी पुन, जिल्ला समन्वय समितिका निवर्तमान प्रमुख देबेन्द्रबहादुर केसी , प्रमुख राजकुमार थापा र समन्वय अधिकारी जानुका सुवेदीले वितरण गर्नुभएको हो ।

पुरस्कृत गौतम नागरिक दैनिक , बेनी साप्ताहिक र बेनी अनलाइन ,खत्री नयाँ पत्रिका दैनिक,समृद्ध साप्ताहिक र म्याग्दी अनलाइन ,खड्का कान्तिपुर दैनिक र पुनहिल ,शर्मा रासस र थाहा खबर तथा आचार्य गोरखापत्र दैनिक ,नवविकल्प साप्ताहिक र विकल्प न्युजमा आवद्ध हुनुहुन्छ । यस अघि उक्त पुरस्कारबाट सन्तोष गौतम पुरस्कृत हुनुभएको थियो ।

तत्कालिन जिविसले स्थापना गरेको दुई लाख रुपैयाँको कोषमा जिससले एक लाख रुपैयाँ थप गरी तीन लाख रुपैयाँ बनाएको छ । पत्रकारहरुबाट आवेदन संकलन गरी लेखेका समाचार मुल्याङ्कनको आधारमा छनौट गरीएको जिससका शाखा अधिकृत शालिकराम शर्माले बताउनुभयो । तस्बिर : म्याग्दी न्युज डटकम 

 

 

सम्बन्धित समाचार

thumbnail

म्याग्दीमा राष्ट्रिय धान दिवस तथा रोपाइँ मनाइयो (फोटो फिचर )

कृषि तथा खाद्यान्न उत्पादनलाई जोड दिनुपर्ने सरोकारवालाको भनाइ म्याग्दी । म्याग्दीमा पनि राष्ट्रिय धान दिवस मनाइएको छ । बेनी नगरपालिका कृषि शाखाको आयोजनामा १९औं राष्ट्रिय धान दिवस तथा रोपाइँ महोत्सव–२०७९ विविध कार्यक्रमको…

thumbnail

सरकारी जागिर खान शैक्षिक योग्यताको प्रमाणपत्र किर्ते गरेको आरोपमा एक पक्राउ

काठमाडौँ । शैक्षिक योग्यताको प्रमाणपत्र किर्ते गरेको आरोपमा प्रहरीले एक जनालाई पक्राउ गरेको छ। भूमि व्यवस्था, सहकारी तथा गरिबी निवारण मन्त्रालय अन्तर्गतको राष्ट्रिय सहकारी विकास बोर्डको सञ्चालक पदको नियुक्तिको लागि नक्कली प्रमाणपत्र…

thumbnail

देश विदेशका खर्चबाट अभियन्ता भेटिन्छन् तर प्रतिफल बाहिर आएको छैन : ओली

काठमाडौँ । नेकपा एमालेका अध्यक्ष केपी शर्मा ओलीले अभियन्ताहरु थुप्रै भए पनि प्रतिफल आउन नसकेको टिप्पणी गर्नुभएको छ । मदन भण्डारीको ७१ औं जन्मजयन्तीका अवसरमा आयोजित समारोहलाई सम्बोधन गर्दै ओलीले यस्तो धारणा…