राज्य सञ्चालनमा ठूला पार्टी असफल भए : थापा

काठमाडौँ । विभिन्न आठ बुँदे निर्णय गर्दै राप्रपा नेपाल मधेस प्रदेशको प्रदेशस्तरीय अगुवा कार्यकर्ता भेला सम्पन्न भएको छ । जनकपुरमा सोमबार सुरु भएको भेलाले जन्मसिद्ध नेपाली नागरिकबाट जन्मिएका सन्तानलाई सहज र सरल रुपमा नागरिकता उपलब्ध गराउनुपर्ने, जनकपुरधामलाई पर्यटन प्रवर्द्धनको केन्द्र बनाउनुपर्ने तथा हुलाकी मार्ग तत्काल निर्माण सम्पन्न हुनुपर्ने लगायतका ८ वटा निर्णय गर्दै मंगलबार सम्पन्न भएको हो ।

भेलाको समापन गर्दै अध्यक्ष कमल थापाले प्रमुख ठूला राजनीतिक दलहरु असफल हुँदै गएको भन्दै देशमा भ्रष्टाचार मौलाउनु त्यसैको उदाहरण भएको बताउनुभयो । ‘राज्य सञ्चालनमा ठूला पार्टी असफल हुँदै गएका छन् । भ्रष्टाचार व्याप्त मौलाएको छ । राजनीतिक दल, विचौलिया व्यापारी र कर्मचारीको त्रिपक्षीय गठबन्धनले देशलाई डरलाग्दो भड्खालोमा हाल्ने अवस्था आउँदैछ’, थापाको भनाइ छ । त्यस्तै उहाँले मधेस प्रदेशमा हिन्दुत्वको एजेण्डा रुचाइएकाले यसको सहयोगमा राप्रपा नेपालको संगठन विस्तार गरेर वैकल्पिक शक्तिका रुपमा स्थापित गर्न सकिने विश्वास व्यक्त गर्नुभयो । रातोपाटीबाट

 

सम्बन्धित समाचार

thumbnail

तमानखोला गाउँपालिकाद्धारा बालगृह सञ्चालन

म्याग्दी। बागलुङको तमानखोला गाउँपालिकाले पालिका भित्र रहेका अनाथ, असहाय, अपाङ्गता भएका, अति गरिब बिपन्न बालबालिकाहरुको संरक्षणको लागि बालगृह सञ्चालनमा ल्याएको छ।उनीहरुलाई पालिकाले निशुल्क शिक्षा, स्वास्थ्य, खान, बस्न लगायतको व्यवस्था गरेको छ ।…

thumbnail

मधेश सरकारले मधेश आन्दोलन र जनयुद्धका शहीद परिवारलाई मासिक २१ हजार दिने

जनकपुरधाम । मधेश प्रदेश सरकारले मधेश आन्दोलन र जनयुद्धका शहीद परिवारलाई मासिक २१ हजारका दरले आर्थिक सहयोग प्रदान गर्ने भएको छ । सरकारले मधेशी शहीद प्रतिष्ठानमार्फत् मासिक आर्थिक सहयोगसँगै शहीदका सन्तानलाई अध्ययनका…

thumbnail

झम्सिखेलमा नयाँ जडान गरिएको ट्राफिक लाइट उद्‍घाटन

काठमाडौँ । काठमाडौँ उपत्यकाको ट्राफिक व्यवस्थापनलाई थप प्रविधिमैत्री बनाउन झम्सिखेल, सरस्वती मन्दिर चोकमा नयाँ ट्राफिक लाइट जडान गरी आजबाट सञ्चालनमा ल्याइएको छ । काठमाडौं उपत्यका ट्राफिक प्रहरी कार्यालय, रामशाहपथले ललितपुर महानगरपालिका वडा…