लोसपाको कार्यकारिणी समिति बैठक : यी विषयमा छलफल केन्द्रित

काठमाडौँ । लोकतान्त्रिक समाजवादी पार्टी नेपाल (लोसपा)को कार्यकारिणी समितिको बैठक जारी रहेको छ । बबरमहलस्थित पार्टी कार्यालयमा बिहान ११ बजेदेखि लोसपा कार्यकारिणी समितिको बैठक चलिरहेको हो । बैठकमा चुनावको समीक्षा, आगामी चुनावको रणनीतिको विषयमा केन्द्रीत भएर छलफल भइरहेको सो पार्टीका नेता मनिष सुमनले बताउनुभयो ।

स्थानीय चुनावबाट पाठ सिक्दै आगामी चुनावमा कसरी अगाडि बढ्ने भन्ने विषयमा पनि नेताहरुले आ–आफ्नो धारणा राखिरहेको उहाँको भनाइ छ ।आगामी चुनावमा कुनै न कुनै दलसँग गठबन्धन बनाएर नै जानुपर्ने अधिकांशको सुझाव रहेको उहाँले बताउनुभयो । उहाँले भन्नुभयो, ‘पाँच दलको गठबन्धन छँदैछ, त्यसबाहेकका गठबन्धन कसरी बनाउन सकिन्छ, त्यतातिर पनि नेताहरुको बीचमा विचार विमर्श भइरहेको छ । बैठक सकेपछि एउटा निष्कर्ष आउनसक्छ ।’

जसपासँग गठबन्धन गर्ने बारेमा कुनै छलफल नरहेको बताउँदै उहाँले जसपा एउटा गठबन्धनमा छ, त्यो गठबन्धन छाडेपछि मात्र सो दलसँग गठबन्धन गर्ने नगर्ने कुरा आउने नेताहरुको विश्लेषण रहेको बताउनुभयो । बैठक हिजोदेखि नै जारी रहेको हो । लोसपाको कार्यकारिणी समिति हाल ३१ सदस्यीय रहेको छ । त्यसमध्ये राजकुमार लेखी, रेशम चौधरीले पार्टी छाडिसकेका छन् । रातोपाटीबाट

सम्बन्धित समाचार

thumbnail

तमानखोला गाउँपालिकाद्धारा बालगृह सञ्चालन

म्याग्दी। बागलुङको तमानखोला गाउँपालिकाले पालिका भित्र रहेका अनाथ, असहाय, अपाङ्गता भएका, अति गरिब बिपन्न बालबालिकाहरुको संरक्षणको लागि बालगृह सञ्चालनमा ल्याएको छ।उनीहरुलाई पालिकाले निशुल्क शिक्षा, स्वास्थ्य, खान, बस्न लगायतको व्यवस्था गरेको छ ।…

thumbnail

मधेश सरकारले मधेश आन्दोलन र जनयुद्धका शहीद परिवारलाई मासिक २१ हजार दिने

जनकपुरधाम । मधेश प्रदेश सरकारले मधेश आन्दोलन र जनयुद्धका शहीद परिवारलाई मासिक २१ हजारका दरले आर्थिक सहयोग प्रदान गर्ने भएको छ । सरकारले मधेशी शहीद प्रतिष्ठानमार्फत् मासिक आर्थिक सहयोगसँगै शहीदका सन्तानलाई अध्ययनका…

thumbnail

झम्सिखेलमा नयाँ जडान गरिएको ट्राफिक लाइट उद्‍घाटन

काठमाडौँ । काठमाडौँ उपत्यकाको ट्राफिक व्यवस्थापनलाई थप प्रविधिमैत्री बनाउन झम्सिखेल, सरस्वती मन्दिर चोकमा नयाँ ट्राफिक लाइट जडान गरी आजबाट सञ्चालनमा ल्याइएको छ । काठमाडौं उपत्यका ट्राफिक प्रहरी कार्यालय, रामशाहपथले ललितपुर महानगरपालिका वडा…