खेलकुद समाचार समाज

अन्तर मावि स्तरिय खुल्ला छात्रा फुटबलको उपाधी माउन्ट एभरेष्टलाई

बेनी,शनिबार भदौ १४ गते ।
बेनीमा सम्पन्न अन्तरमावि स्तरिय खुल्ला छात्रा फुटबलको उपाधी माउण्ट एभरेष्ट आवासिय माविले हात पारेको छ । न्यु दोभान युवा क्लबले क्लब अधयक्ष स्वर्गिय अनन्त गिरीको स्मृतीमा आयोजना गरेको प्रथम अन्तर मावि स्तरिय खुल्ला छात्रा फुटबल प्रतियोगिताको उपाधि माउन्ट एभरेष्ट आवासीय मावि बेनीले हात पारेको हो । शनिबार बेनीको खुल्ला मञ्चमा भएको फाइनलमा म्याग्दी बहुमुखी क्याम्पसलाई शून्यका बिरुद्ध तीन गोल गर्दै माउन्टले उपाधि जितेको हो ।

बिजेता र उपबिजेताले ट्रफि, मेडल र प्रमाणपत्र सहित नगद तीस र बीस हजार रुपैयाँ पुरस्कार हात पारेका छन् । प्रतियोगितामा माउन्टकी डिम्पल गुरुङलाई उत्कृष्ट खेलाडी, म्याग्दी क्याम्पसकी रविना परियारलाई उत्कृष्ट गोलरक्षक, ५ गोल गरेकी माउन्टकी दिपा रोका सर्वा्धिक गोलकर्ता र म्याग्दी एकेडेमी सिंगालाई अनुशाषित टिमको पुरस्कार प्रदान गरिएको थियो । वेष्ट पोइन्टकी दिपशिखा किसानलाई राइजीङ प्येयरको उपाधी प्रदान गरिएको थियो ।

तीन दिनसम्म सञ्चालन भएको प्रतियोगितामा म्याग्दी, बागलुङ र पर्वतका १३ विद्यालयको सहभागिता थियो । पुरस्कार वितरण गर्दै बेनी नगरपालिकाका मेयर हरिकुमार श्रेष्ठले विजय विद्यालयलाई बधाई दिनुहुँदै प्रतियोगिताले छात्राहरुलाई फुटबल प्रति आकर्षित गर्न प्रेरित गर्न सहयोग पुग्ने बताउनुभयो ।


खेलकुद विकास समितिका अध्यक्ष कृष्णकुमार विश्वकर्माले विजय विद्यालयलाई बधाई तथा शुभकामना ब्यक्त गर्नुभएको थियो । क्लबका कार्यवाहक अध्यक्ष सविन श्रेष्ठको अध्यक्षता र सचिव सुमित सुवेदीको संचालनका कार्यक्रम सम्पन्न भएको थियो ।

सम्बन्धित समाचार

thumbnail

मनाङ मर्स्याङ्दीले जित्यो आहा!रारा गोल्डकपको उपाधी

पोखरा,आइतबार चैत ०२ गते । १८ औं आहा!रारा गोल्डकपको उपाधी पुलिसलाई टाईवेकरमा ४–३ ले हराउँदै मनाङ मस्र्याङ्दीले जितेको छ । निर्धारित ९० मिनेटमा दुवै टोलीले गोल रहित बराबरी खेलेपछि अतिरिक्त ३० मिनेट…

thumbnail

नेपाल हङकङसँग ४३ रनले पराजित

काठमाण्डौ ,आइतबार फागुन १८ गते । एसीसी टी–२० पूर्वी क्षेत्रीयमा नेपाललले लगातार दोस्रो हार बेहोरेको छ । सोमबार भएको खेलमा नेपाल हङकङसँग ४३ रनले पराजित भयो । हङकङसँगको हारपछि नेपालको शीर्ष दुईमा…

thumbnail

चौथो दिदीबहिनी कपको उपाधी शसस्त्रलाई

सरस्वति चौधरी उत्कृष्ट खेलाडी बेनि ,आइतबार फागुन ११ गते ।‘चौथो दिदीबहिनी कप राष्ट्रिय महिला भलिबल प्रतियोगिता’मा विभागीय टिम शसस्त्र प्रहरी (एपिएफ) बिजयी भएको छ । जलजला गाउपालिका–३ बेनीमा शनिबार सम्पन्न फाइनलमा अर्को…

Write a Reply or Comment