निर्माण व्यवसायी संघ म्याग्दीको निर्वाचन १९ गते

बेनी शनिबार माघ ५ गते । शनिवार सुरु भएको निर्माण व्यवसायी संघ म्याग्दीको १८ औं वार्षिक साधारणसभा तथा १० औं अधिवेशनको निर्वाचन कार्यक्रम १५ दिन पर सरेको छ । नयाँ नेतृत्व चयन हुने भनिएको अधिवेशन असन्तुष्ट पक्षलाई पनि मिलाएर लैजाने भन्दै माघ १९ गते सम्मका लागि पर सारिएको हो ।

साधारणसभामा उपस्थित भएका व्यवसायीहरुले असन्तुष्ट पक्षधरहरुलाई पनि मिलाएर लैजानु पर्ने मत राखेपछि अधिवेशनको निर्वाचनको कार्यक्रम मात्र माघ १९ गतेलाई सारिएको सहभागि एक व्यवसायीले बताउनुभयो ।

उद्घाटन सत्र सकिएको छ निर्वाचनका लागि आवश्यक तयारी नपुगेकाले माघ १९ गते मतदानको कार्यक्रम गर्ने निर्णय भएको अध्यक्ष नारायण जिसीले बताउनुभयो । बहुमत सदस्यहरुको उपस्थिति भएपनि निर्वाचनका लागि तयारी नपुगेकाले स्थगित गर्नुपरेको उहाँको भनाई छ ।

संघको विधानले पूर्णता नपाएको र अन्य कुराहरु पनि मिलाउनु पर्ने भएकाले माघ १९ गते सम्म अधिवेशनको अन्य कार्यक्रम स्थगित गरिएको संघका सल्लाहकार सन्तोष रावलले बताउनुभयो । यता असन्तुष्ट पक्षहरुले भने अधिवेशनमा बहुमत नपुगेकाले अधिवेशन स्थगित भएको बताएका छन् । अधिवेशनमा असन्तुष्ट पक्षहरुले सहभागिता जनाएका थिएनन् ।

सम्बन्धित समाचार

thumbnail

म्याग्दीका पाँच जना पत्रकार पुरस्कृत (फोटो फिचर)

बेनी । म्याग्दीमा क्रियाशिल पाँच जना पत्रकार पुरस्कृत हुनुभएको छ । जिल्ला समन्वय समिति म्याग्दीले प्रदान गर्ने विकास पत्रकारीता पुरस्कारबाट सोमबार हरिकृष्ण गौतम,कमल खत्री ,घनश्याम खड्का ,धुर्वसागर शर्मा र ठाकुर प्रसाद आचार्य…

thumbnail

जापानको नागोयामा नवप्रवेशी विद्यार्थीलाई स्वागत तथा सम्मान कार्यक्रम

म्याग्दी । अध्ययन र रोजगारीका लागि जापान गएका म्याग्देली विद्यार्थीहरुलाई जापानमा स्थापित म्याग्दी प्रवासी नेपाली संघ मोना जापान क्षेत्रीय समिती नागोयाले आइतबार एक कार्यक्रमका बीच स्वागत तथा सम्मान गरेको छ । ‘प्रवासी…

thumbnail

जिसस म्याग्दीको प्रमुखमा थापा मगर निर्वाचित (तस्बिरहरु)

बेनी ।जिल्ला समन्वय समिति म्याग्दीको प्रमुखमा नेकपा एमालेका युवा नेता राजकुमार थापा मगर निर्वाचित हुनुभएको छ । आइतबार सम्पन्न निर्वाचनमा प्रमुखमा एमालेका उम्मेदार थापा मगर र उपप्रमुखमा एमालेकी उम्मेद्वार दिलकुमारी खत्री विर्वाचित…