बेनी नगरपालिकाको चौंथो नगरसभा सुरु

बेनी बिहिबार माघ १० गते । म्याग्दीको बेनी नगरपालिकाको चौंथो नगरसभा बुधवार सुरु देखि भएको छ । मेयर हरिकुमार श्रेष्ठको अध्यक्षतामा बसेको नगरसभामा विपद् जोखिम न्यूनीकरण तथा व्यवस्थापन ऐन २०७५ को मस्यौदा लाई टेबुल गरिएको छ ।

बातावरण तथा विपद् व्यस्थापन समितिका संयोजक टेकबहादुर रावलले उक्त ऐन नगरसभामा टेबुल गर्नुभएको हो ।

नगरसभामा उपप्रमुख सञ्जु बरुवालले तेस्रो नगरसभाले स्विकृत गरेका योजना एवम् नगरसभा पश्चात नगर कार्यपालिकाको वैठकबाट बजेट व्यवस्थापन भएका योजनाहरुको प्रगति विवरण नगरसभामा पेश गर्नुभएको छ ।

यसै गरी उपप्रमुख बरुवालले नगर कार्यपालिकाको वैठकबाट पारित भएका तिनवटा कार्यविधिहरुका वारेमा नगरसभामा जानकारी गराउनुभएको थियो । कार्यपालिकाको वैठकले बेनी नगरपालिकाको राजपत्र प्रकाशन सम्बन्धि कार्यविधि २०७५,अपाङ्गता भएका व्यक्तिको परिचयपत्र वितरण कार्यविधि २०७५,स्वास्थ्य संस्था दर्ता,अनुमति तथा नविकरण सम्बन्धि निर्देशिका २०७५ र बेनी नगरपालिकाको पशुसेवा कार्यक्रम सञ्चालन मार्गदर्शन २०७५ का वारेमा उपप्रमुख बरुवाले नगरसभाका सदस्यहरुलाई जानकारी गराउनुभएको थियो ।

नगरसभामा मेयर श्रेष्ठले नगरसभाबाट पारित भई कार्यन्वयनका चरणमा रहेका योजनाहरुको प्रभावकारी रुपमा कार्यन्वयनमा जुट्न नगरसभाका सदस्यहरुलाई निर्देशन दिनुभएको छ । नगरसभामा टेबुल भएको ऐनको मस्यौदा अध्ययन गरी आगमी माघ १७ गते वस्ने नगरसभाले पारित गर्ने कार्यसूची रहेको प्रमुख प्रशासकीय अधिकृत छबीलाल सुवेदीले जानकारी दिनुभयो ।

सम्बन्धित समाचार

thumbnail

बेनी नगरपालिकाले ल्यायो ७३ करोड २२ लाख रुपैयाँको बजेट, उत्पादन र शिक्षामा जोड

सभामा छलफलपछि संशोधनसहित बजेट आजै पारित म्याग्दी ।म्याग्दीको बेनी नगरपालिकाले आगामी आर्थिक वर्ष २०७९÷८० का लागि आज (शुक्रवार) आफ्नो बजेट, नीति तथा कार्यक्रम प्रस्तुत गरेको छ । ‘कृषि, पर्यटन र पूर्वाधार, स्वच्छ,…

thumbnail

बेनी नगरपालिका –७ मा सम्मान र योजना प्राथमिकीकरण

बेनी । बेनी नगरपालिका–७, मा शनिबार आगामी आर्थिक वर्ष २०७९÷८० मा सञ्चालन हुने योजना प्राथमिकीकरण र सम्मान कार्यक्रम सम्पन्न भएको छ ।नगरपालिका, प्रदेश र संघीय सरकारमा माग गर्ने योजना छनौटका लागि आयोजित…

thumbnail

बाँझो जग्गा उपयोगमा ल्याउन गर्न घरेलु उद्योग महासंघको माग

म्याग्दी । नेपाल घरेलु तथा साना उद्योग महासंघ म्याग्दीले बाँझो जग्गामा युवाहरुलाई परिचालन गरि उपयोगमा ल्याउन माग गरेको छ । सोमबार बेनी नगरपालिकाका प्रमुख सुरत केसीलाई ज्ञापन पत्र बुझाउँदै महासंघ म्याग्दीका अध्यक्ष…