म्याग्दीमा सरकार बिरुद्ध कांग्रेसको विरोध प्रदर्शन

बेनी साेमबार माघ २१ गते । सरकार विरुद्ध नेपाली कांग्रेसले देशभर विरोध प्रदर्शन गरेको छ । सरकारको कार्यशैलिप्रति असन्तुष्ट जनाउँदै कांग्रेसले देशभर विभिन्न विरोध प्रदर्शन गरेको हो । यसैगरि म्याग्दीमा पनि सरकार विरुद्ध नेपाली कांग्रेस म्याग्दीले विरोध प्रदर्शन गरेको छ । केन्दीय सदस्य भिष्मराज आङ्गदाम्बेको प्रमुख आतिथ्यतामा ¥यालि सहित विविध कार्यक्रम गरि विरोध प्रदर्शन गरेको हो ।


कार्यक्रममा प्रमुख अतिथि आङ्गदाम्बे सरकार विरुद्ध कडा रुपमा प्रस्तुत हुँदै सरकारको कार्यशैलिको आलोचना गर्नुभयो । उहाँले दुई तिहाईको सरकारले तानाशाही शाशन शैलिमा दम्भ देखाएको आरोप लगाउनुभयो । दुई तिहाईको सरकारले जनातामा खुशी भन्दा पिडा बढी दिएको बताउनुभयो । “सरकार राक्षसी शैलिमा जनातालाई विकासको सातो पिडा र दुख दिएको छ ,सरकारको राक्षसी तानाशाहि शाशन विरुद्धमा जनाताले आवाज उठाउने समय आएको छ, ।” उहाँले भन्नुभयो । कांग्रेस लोकतान्त्रीक पार्टी भएकाले प्रतिपक्षको भुमिकामा बसी दुईतिहाईको सरकारलाई सहयोग गर्न चाहन्छ । सरकार गलत बाटोलाई त्यागि सच्चीएर अगाडी बढोस् ।

सरकार दुईतिहाईको दम्भ देखाएर अधिनायकवाद तथा तानाशाहीतर्फ उन्नमुख भएको आरोप लगाउदै सरकार नसच्चीए धेरै समय सरकारमा नतिक्ने चेतावनी दिनुभयो । दुईतिहाईको सरकार आफैले जनता सामु घोषणा गरेका निति तथा कार्यक्रम उल्त्याएर विश्वास घाति चरित्र छर्लङ्ग पारेको बताउनुभयो । देशमा भएको व्याप्त भ्रष्टाचार ,हत्या, हिंसा, बलत्कार जस्ता घटनामा घम्भीर भएर रोक्नुको साटो उल्टो संरक्षण र बढुवा दिएको आरोप लगाउनुभयो । सरकार गलत बाटोमा फस्न लागेकाले प्रतिपक्षको हैसियतले सहि मार्गमा ल्याउन र गलत कार्यको सुधार गर्न विरोध गरिएको बताउनुुभयो ।

कार्यक्रममा जिल्ला सभापति खम बहादुर गर्बुजा मगर (खम्बीर), नेपाल महिला संघ म्याग्दीकी सभापति बिमला गौचन, पुर्व सभापति रेशमबहादुर बानियाँ ,नेता नेत्र बहादुर महत , प्रवक्ता अजय मिलन श्रेष्ठ, सचिव एवम् बेनी नगरपालिकाका मेयर हरिकुमार श्रेष्ठ,सचिव क्याप्टेन मिन बहादुर कार्कि र जिल्ला सदस्य केवि भण्डारिले दुई तिहाईको सरकारको विश्वसनियता हराएको बताउनुभयो । दुई तिहाईको सरकारल जनतालाई विभिन्न आशा देखाएर दुख दिएको बताउनुभयो । विकास साटो जनातालाई सास्ती र पिडाको उपहार दिएको बताउनुभयो । उहाँहरुले जनताले धान्नै नसक्ने कर तथा महङ्गी बढाएको बताउनुभयो ।

केन्द्रीय नेता आङ्गदाम्बेको प्रमुख आतिथ्यता सभापति गर्वुजा मगरको सभापतित्व बेनी नगरपालिकाका मेयर श्रेष्ठको स्वागत मन्तव्य र सचिव क्याप्टेन कार्कीको संचालनमा कार्यक्रम समापान भएको थियो । कार्यक्रम सुरु हुनु अघि ¥यालीद्धारा बजार परिक्रमा गरिएको थियो ।
विरोध ¥यालीमा सरकार अधिनायकवादको विरोध संसदीय सर्वोच्चता कायम गर, सरकारको भ्रष्टाचार राज्य आतंक बन्द गर, संसदीय मर्यादा पालना गर्न मागहत्याहिंसा बन्द गर, वाइडबडी भ्रष्टाचारीलाई कार्वाही गर,निर्मला पन्तका बलात्कारी र हत्यारालाई कार्वाही गर ,डा गोविन्द केसीसंग भएका सम्झौता पूरा गर, चर्को मुल्यवृद्धि फिर्ता गर,तेत्तीस किलो सुनकाण्डका गिरोहलाई कार्वाही गर , अनियमित बुढीगण्डकी ठेक्का बदर गर,सुशासन कायम गर, विधिको शासनको पूर्ण पालना गर, राज्य संचालन पारदर्शी गर जस्ता नार लेखएिको प्लेट कार्ड लिएर प्रदर्शनमा उत्रिएका थिए ।

सम्बन्धित समाचार

thumbnail

रघुगंगा गाउँपालिकामा लागु औषध दुरुपयोग तथा ओसार पसार विरुद्धको अन्तर्राष्ट्रिय दिवस मनाइयो

म्याग्दी। म्याग्दीको रघुगंगा गाउँपालिकामा लागु औषध दुरुपयोग तथा ओसार पसार विरुद्धको अन्तर्राष्ट्रिय दिवस विविध कार्यक्रम गरि मनाइएको छ । आइतवार रघुगंगा गाउँपालिका–३ स्थित रघुगंगा माध्यमिक विद्यालय र रघुगंगा गाउँपालिका–१,तिप्ल्याङ स्थित कालिका माध्यमिक…

thumbnail

रघुगंगा नदीमा आएको बाढीले स्काभेटर बगायो

म्याग्दी । म्याग्दीको रघुगंगा नदीमा आएको बाढीले स्काभेटर बगाएको छ । शनिवार राती रघुगंगा नदीमा आएको बाढीले राहुघाट जलविद्युत आयोजनाका ड्याम साइटमा काम गरेर नदी किनारमा पार्किङ्ग गरि राखेको ठाउँमा कटान गरेर…

thumbnail

रघुगंगा गाउँपालिकाको ४६ करोड ८६ लाख २५ हजार रुपैयाँ बजेट पारित

बेनी । म्याग्दीको रघुगंगा गाउँपालिकाले आगामी आर्थिक वर्ष २०७९र८० का लागि रु ४६ करोड ८६ लाख २५ हजार बराबरको बजेट पारित गरेको छ । शुक्रवार सम्पन्न १३ औँ गाउँ सभामा गाउँपालिका अध्यक्ष…