मुनामा दुई दिने पत्रकारिता एवम् उद्घोषण कला तालिम सम्पन्न

बेनी आइतबार चैत्र २४ गते । म्याग्दीको धवलागिरी गाउँपालिकाको केन्द्र मुनामा संचालित पत्रकारिता पुनःताजगी एवम् उद्घोषण कला तालिम सम्पन्न भएको छ ।


गाउँपालिकाको आर्थिक सहयोग, नेपाल पत्रकार महासंघ म्याग्दीको समन्वय र म्याग्दी मिडिया सोसाइटीको आयोजनामा शुक्रबारदेखी सुरु भएको तालिम शनिबार समापन भएको हो । तालिममा गाउँपालिकाका ७ वटै वडाका ३० जनाको सहभागिता रहेको थियाे ।

तालिमको समापन कार्र्यक्रममा बोल्दै गाउँपालिकाका उपाध्यक्ष रेशम छन्त्यालले स्थानीय तह र वडा स्तरमा पत्रकारिता तथा सञ्चार माध्यमको पहुँच बढाउन आवश्यक रहेको बताउनुभयो । उहाँले तालिमले विकास, शुसासन र सकारात्मक विषयको प्रचारप्रसार तथा विकृति, बेथिती र विसंगतिलाई खबरदारीका लागि पत्रकारिताको सक्रिय भूमिका बढाउनेमा विश्वास व्यक्त गर्नुभयो ।

प्रमुख प्रशासकीय अधिकृत अर्जुन शर्माले स्थानीय तहको गतिबिधिमा सञ्चार माध्यम र पत्रकारिताको माध्यमबाट निगरानी बढाउनुपर्नेमा जोड दिनुभएको थियो । प्रमुख प्रशासकिय अधिकृत शर्माले गाउँपालिकाको बजेट,निति तथा कार्यक्रम बारे जानकारी गराउनुभएको थियो । साथै उहाँले गाउँपालिकाबाट विनियोजित योजनाको कार्य सम्पादनको प्रगति बारे जानकारी गराउँदै कर्मचारीको अभाव र दक्ष प्राविधिकको अभावले कार्य सम्पादन र याेजना कार्यान्वयनमा समस्या भएको बताउनुभयो ।

कार्यक्रममा नेपाल पत्रकार महासंघ म्याग्दी शाखाका अध्यक्ष तारानाथ शर्माले संघीयता कार्यान्वयनसँगै गाउँघरमा आएका सरकारको निगरानी, खबरदारी र रचनात्मक कामको प्रर्वद्धनका लागि पत्रकारिता गाउँ केन्द्रित भएको बताउनुभयो ।


कार्यक्रममा प्रशिक्षार्थी चुनदेबी विक र दलमान छन्त्यालले तालिमले व्यक्तीत्व विकासमा ठुलो सहयोग पुगेको बताउँदै आफुहरुले तालिममा सिकेका ज्ञान सिपलाई व्यवहारमा लागु गर्ने प्रतिबद्धता व्यक्त गर्नुभएको थियो ।


समापन कार्यक्रममा आयोजक म्याग्दी मिडिया सोसाईटीका अध्यक्ष कमल खत्रीले दुर्गम गाउँका गतिविधिहरुलाई सञ्चार माध्यम संग जोड्न र व्यक्तीत्व विकासका लागि तालिमको आयोजना गरेको बताउनुभयो ।



सम्बन्धित समाचार

thumbnail

धवलागिरी गाउँपालिकाको ४० करोड ४९ लाख ४९ हजार रुपैयाँ बजेट पारित

म्याग्दी । म्याग्दीको धवलागिरी गाउँपालिकामा कुल  ४० करोड ४९ लाख ४९ हजार रुपैयाँको बजेट पारित भएको छ । गाउँपालिकाको केन्द्र मुनामा सम्पन्न १६ औँ गाउँ सभामा अध्यक्ष प्रेमप्रसाद पुनले प्रस्तुत गर्नुभएको आगामी…

thumbnail

दुर्गम खाम्लामा सडक पुग्यो

म्याग्दी । म्याग्दीको दुर्गम धवलागिरि गाउँपालिका –४, स्थित खाम्लामा सडक पुगेको छ । यस क्षेत्रमा निर्माण हुने तीनवटा जलविद्युत आयोजनाले संयुक्त रुपमा मालिका गाउँपालिका –७, खारादेखि खाम्लासम्म १० किलो मिटर सडकको ट्रयाक…

thumbnail

धवलागिरी गाउँपालिकामा आइतबार बिदा नहुने

बेनी ।म्याग्दीको धवलागिरी गाउँपालिकाले आईतबार सार्वजनिक विदा नदिने भएको छ ।मुनामा गाउँपालिका अध्यक्ष प्रेमप्रसाद पुनको अध्यक्षतामा सोमबार बसेको कार्यपालिकाको पहिलो बैठकलले गाउँपालिकाकाको कार्यालय, वडा कार्यालय र विद्यालय शनिबार बाहेक आईतबार देखि शुक्रबारसम्म…