विश्व रेडक्रस दिवसको अवसरमा ज्येष्ठनागरिक सम्मान तथा खाद्यान्न वितरण

प्रताप बानियाँ
म्याग्दी,बुधबार बैशाख २५ गते ।
नेपाल रेडक्रस सोासाइटी पुलाचौर उपशाखाको आयोजनामा बुधबार म्याग्दीको बेनी नगरपालिका–५, भीरमुनीमा विविध कार्यक्रमको आयोजना गरेर विश्व रेडक्रस दिवस मनाइएको छ । दिवसको अवसरमा ज्येष्ठनागरिक तथा स्वास्थ्यकर्मी सम्मान र खाद्यान्न वितरण गरिएको हो ।

बेनपा–५, भीरमुनीका १०२ वर्षीया ज्येष्ठनागरिक मनरुपा बानियाँलाई अबिर लगाई दोसल्ला ओढाएर नगदसहित सम्मान गरिएको रेडक्रस उपशाखाले जनाएको छ । सोही अवसरमा उपशाखाद्वारा यसअघि भीरमुनीमा सञ्चालित निःशुल्क आँखा शिविरमा सहयोग पु¥याएको भन्दै पुलाचौर स्वास्थ्यचौकीका अहेव कल्पना ढुङ्गाना र शहरी स्वास्थ्य केन्द्र भीरमुनीका अनमी चन्द्राप्रभा भण्डारी बानियाँलाई सम्मानपत्रसहित सम्मान गरिएको थियो ।

यसैगरी दिवसकै अवसरमा बेनपा–५, खोरगैरा निवासी फुलमाया नेपालीको परिवारलाई १ पिस चामल, १५ केजी आलु, २÷२ केजी दाल तथा चिनी, नुन, आधा दर्जन कापीकलम र नगद तीनसय रुपैयाँ सहयोग हस्तान्तरण गरिएको थियो । सम्मान तथा खाद्यान्न सामग्री हस्तान्तरण गर्दै रेडक्रस म्याग्दी शाखाका प्रथम यशस्कर सदस्य यामबहादुर बानियाँले विगतको समयमा द्वन्द्वका क्षेत्रमा मात्रै काम गर्ने गरेकोमा पछिल्लोपटक रेडक्रसले सामाजिक र मानवीय क्षेत्रमा पनि काम गर्दै आइरहेको बताएका छन् ।

बेनपा–५, का वडा अध्यक्ष लक्ष्मण बानियाँले रचनात्मक कार्यक्रमहरुको आयोजना गरेर दिवस मनाउनु अत्यन्तै सराह्रनीय भएको बताउँदै सामाजिक संघसंस्थामा लाग्ने व्यक्तिहरुले निस्वार्थ रुपमा सेवाको भावनासहित अगाडि बढ्नुपर्ने बताएका थिए । कार्यक्रममा समाजसेवी सुर्यबहादुर केसीले रेडक्रस संस्थालाई २५ हजार रुपैयाँ सहयोग गर्ने घोषणा गरेका छन् ।

कार्यक्रमको अवसरमा रेडक्रसको आजीवन सदस्यता समेत वितरण गरिएको थियो । कार्यक्रम रेडक्रस पुलाचौर उपशाखाका कार्यवाहक सभापति शिव बानियाँको अध्यक्षता, सचिव रेशम बानियाँको सञ्चालन र सदस्य एवं कार्यक्रम संयोजक मुक्तिबहादुर खड्काको स्वागतमा सम्पन्न भएको थियो । आजैका दिन १८२८ मे ८ तारिखका दिन जाँ हेनरी ड्युनाले रेडक्रसको स्थापना गरेका थिए ।

सम्बन्धित समाचार

thumbnail

द्वन्द्वपीडित अधिकार मञ्चको दोस्रो साधारणसभा

नवनिर्वाचित जनप्रतिनिधिलाई बधाइज्ञापन,द्वन्द्वपीडितलाई सम्मान तथा स्मृति कार्यशाला गोष्ठी म्याग्दी ।म्याग्दीको सदरमुकाम बेनीमा आज (आइतबार) स्थानीय तहका नवनिर्वाचित जनप्रतिनिधिहरुलाई बधाई, द्वन्द्वपीडितहरुलाई सम्मान तथा स्मृति कार्यशाला गोष्ठी सम्पन्न भएको छ । ‘यातनापीडितको सहयोगार्थ अन्तर्राष्ट्रिय…

thumbnail

रघुगंगा गाउँपालिकामा लागु औषध दुरुपयोग तथा ओसार पसार विरुद्धको अन्तर्राष्ट्रिय दिवस मनाइयो

म्याग्दी। म्याग्दीको रघुगंगा गाउँपालिकामा लागु औषध दुरुपयोग तथा ओसार पसार विरुद्धको अन्तर्राष्ट्रिय दिवस विविध कार्यक्रम गरि मनाइएको छ । आइतवार रघुगंगा गाउँपालिका–३ स्थित रघुगंगा माध्यमिक विद्यालय र रघुगंगा गाउँपालिका–१,तिप्ल्याङ स्थित कालिका माध्यमिक…

thumbnail

२७ वर्षदेखि बेपत्ता किसान भारतको गोठमा भेटिए

लमजुङ । ६२ वर्षीया पुतली परियार र बुबा ७५ वर्षीय सुकबरे परियालाई जेठको पहिलो साता जिल्ला प्रहरी कार्यालयबाट आएको खबरले एकैछिन पनि मन शान्त हुन दिएन । २७ वर्षअघि जागिर खान भारत पसेको…