मालिका गाउँपालिकामा प्रधानमन्त्री रोजगार कार्यक्रम सुरु

बेनी,बुधबार जेठ ३० गते । म्याग्दीको मालिका गाउँपालिकामा प्रधानमन्त्री रोजगार कार्यक्रम सुरु भएको छ । गाउँपालिकाको वडा नं ७ बिमबाट कार्यक्रम सुरु गरिएको छ । गाउँपालिकाका अध्यक्ष श्रीप्रसाद रोका मगरले पदमार्गको निर्माण सुरु गरि रोजगार कार्यक्रमको शुभराम्भ गर्नुभएको हो ।

कार्यक्रमको उद्घाटन गर्नुहृँदै गाउँपालिकाका अध्यक्ष रोका मगरले कार्यक्रमलाई प्रभावकारी रुपमा संचालनका लागि सबैको सहयोगको अपेक्षा गर्नुभयो । गरिब तथा विपन्न परिवारका बेरोजगारीहरुलाई गाउँपालिकाले प्राथमिकता दिएको अध्यक्ष रोका मगरको भनाई छ ।

बेरोजगार युवायुवतीलाई रोजगारी प्रदान गर्ने उद्देश्यले संघिय सरकारको कार्यक्रम अनुसार गाउँपालिकाको सबै वडामा रोजगार कार्यक्रम संचालनका लागि ३० लाख रुपैयाँ बजेट उपलब्ध भएको उपाध्यक्ष खरमाया वटालुले जानकारी दिनुभयो ।

मालिका गाउँपालिकामा ६ सय जना बढीले वडा मार्फत बेरोजगार फारम भरेका छन् । फारम भरेका मध्य विपन्नलाई प्राथमिकता दिएर काममा परिचालन गरिएको रोजगार कार्यक्रम संयोजक सावित्री संयोजक गर्बुजाले जानकारी दिनुभयो । वडा अध्यक्ष रेशम जुग्जालीको अध्यक्षता र वडा सचिव मिलन थापा मगरको संचालनमा कार्यक्रम सम्पन्न भएको थियो ।

सम्बन्धित समाचार

thumbnail

हिलाम्मे सडकमा धान रोपाइँ !

म्याग्दी। बेनी दरबाङ सडक अन्तर्गत अलपत्र लाम्पाटा – दरबाङ सडक खण्डमा पर्ने रणबाङका स्थानीयले धान रोपेर विरोध जनाएका छन् । निर्माण कम्पनीले अलपत्र पारेर सम्पर्क विहिन भएपछि स्थानीयहरुले सडकमै धान रोपेर विरोध…

thumbnail

मालिका गाउँपालिकाको बजेट ४८ करोड १८ लाख ३६ हजार रुपैयाँ (तस्बिरहरु)

बेनी । म्याग्दीको मालिका गाउँपालिकाले आगमी आर्थिक बर्ष २०७९÷८० को निति तथा कार्यक्रम र बजेट पारित गरेको छ । शुक्रबार वडा नम्बर ६ स्थित छ्यारछ्यारेमा सम्पन्न गाउँपालिकाको दोस्रो गाउँसभामा गाउँपालिका अध्यक्ष बेगप्रसाद…

thumbnail

एक लाख ८६ हजार रुपैयाँ बढीको फर्निचर सामग्री सहयोग

बेनी । म्याग्दीको मालिका गाउँपालिका–१,निस्कोट स्थित दुध पराई (मुखिया)पुन सेवा समाजलाई अमेरीकाबाट एक लाख ८६ हजार ७६७ रुपैयाँ सहयोग प्राप्त भएको छ । अमेरीकामा रहनुभएका मिलन पुन ,प्रेम पुन ,उत्तम पुन र…