गोगनपानी वस्ती पहिरोको उच्च जोखीममा

म्याग्दी ,आइतबार साउन १२ गते । म्याग्दीको मालिका गाउँपालिका ६ गोगनपानी वस्ती पहिरोको जोखिममा रहेको छ । असार २९ गते राती वस्ती माथीको दिच्याम लामपाटा डाँडाबाट खस्न थालेको पहिरो नरोकिए पछि गोगनपानीका २८ घरधुरी रहेको वस्ती जोखीममा रहेको हो ।


२८ मध्ये सात घर अति उच्च जोखिममा रहेको स्थानीय सिद्ध आधारभुत विद्यालय व्यवस्थापन समितिका अध्यक्ष सुनिल गुरुङले जानकारी दिनुभयो । भिरालो भुगोल भएकाले पहिरो नरोकिए वस्ती नै बगाउने जोखिम बढेको गुरुङले बताउनुभयो ।


उहाँका अनुसार पुर्ण बहादुर गुरुङ,दिलबहादसर गुरुङ,दल बहादुर गुरुङ,तेजबहादुर गुरुङ,दल बहादुर दलबहादुर जुग्जाली र मनविर जुग्जालीको घर अति उच्च जोखिममा रहेको छ ।


पहिरोको उच्च जोखिममा रहेका वासिन्दाले दिनमा घरको काम गरेर रातमा आफन्तकोमा बस्दै आएको बताए । उच्च जोखिममा रहेका स्थानीय बासिन्दा पुर्ण बहादुर गुरुङले दिनमा घरको काम सकेर रातको समयमा आफन्तकोमा बस्दै आएको बताउनुभयो ।

बर्षातको समयमा वस्ती नै बगाउने जोखिम बढेकाले रातको समयमा नसुत्ने गरेको उहाँँको भनाई छ ।पहिरोले सिद्ध आधारभुत विद्यालय जाने मोटरबाटो पनि अवरुद्ध भएको विव्यस अध्यक्ष गुरुङले जानकारी दिनुभयो । गाउँपालिका अध्यक्ष श्रीप्रसाद रोका मगरले पहिरोको उच्च जोखिममा रहेका वासिन्दालाई सतर्क रहन अनुरोध गर्नुभएको छ । उहाँले व्यवस्थापनका लागि गाउँपालिकाले सक्दो सहयोग गर्ने बताउनुभयो ।

सम्बन्धित समाचार

thumbnail

हिलाम्मे सडकमा धान रोपाइँ !

म्याग्दी। बेनी दरबाङ सडक अन्तर्गत अलपत्र लाम्पाटा – दरबाङ सडक खण्डमा पर्ने रणबाङका स्थानीयले धान रोपेर विरोध जनाएका छन् । निर्माण कम्पनीले अलपत्र पारेर सम्पर्क विहिन भएपछि स्थानीयहरुले सडकमै धान रोपेर विरोध…

thumbnail

मालिका गाउँपालिकाको बजेट ४८ करोड १८ लाख ३६ हजार रुपैयाँ (तस्बिरहरु)

बेनी । म्याग्दीको मालिका गाउँपालिकाले आगमी आर्थिक बर्ष २०७९÷८० को निति तथा कार्यक्रम र बजेट पारित गरेको छ । शुक्रबार वडा नम्बर ६ स्थित छ्यारछ्यारेमा सम्पन्न गाउँपालिकाको दोस्रो गाउँसभामा गाउँपालिका अध्यक्ष बेगप्रसाद…

thumbnail

एक लाख ८६ हजार रुपैयाँ बढीको फर्निचर सामग्री सहयोग

बेनी । म्याग्दीको मालिका गाउँपालिका–१,निस्कोट स्थित दुध पराई (मुखिया)पुन सेवा समाजलाई अमेरीकाबाट एक लाख ८६ हजार ७६७ रुपैयाँ सहयोग प्राप्त भएको छ । अमेरीकामा रहनुभएका मिलन पुन ,प्रेम पुन ,उत्तम पुन र…