पत्रकारका लागि भाषा तथा प्रविधि सम्बन्धी तालिम सम्पन्न

म्याग्दी,आइतबार साउन ०५ गते । म्याग्दीको सदरमुकाम बेनीमा क्रियाशिल पत्रकारिता लागि भाषा र प्रविधी विषयक दुई दिने तालिम सम्पन्न भएको छ । जिल्ला समन्वय समिति म्याग्दीको आर्थिक सहयोग र नेपाल पत्रकार महासंघ म्याग्दीको आयोजनामा बेनीमा शनिबार देखी सुरु भएको सो तालिम आइतबार सम्पन्न भएको हो । जिल्लामा क्रियाशिल पत्रकारहरुको सहभागिता रहेको थियो ।


जिसस प्रमुख देवेन्द्रबहादुर केसीले क्रियाशिल पत्रकारीतमा भाषा र प्रविधिको ज्ञान हुनपर्नेमा जोड दिनुभयो । जिल्लाको पुर्वाधार निर्माण ,सामाजिक,आर्थिक ,शैक्षिक विकास एवम् विभिन्न गतिविधिलाई समाचार मार्फत उजागर गर्नमा पत्रकारको महत्वपुर्ण भुमिका हुने बताउनुभयो । विकास निर्माण संगै समाजमा हुने कमी कमजोरीलाई औल्याई सुधारका लागि सुझाव दिनु पत्रकारको दायित्व भएको प्रमुख केसीको भनाइ छ ।

विकास निर्माण लगायत हरेक गतिविधिमा भइरहेका ढिलासुस्ती र बेथीतीलाई खबरदारी गर्नुका साथै सकरात्मक क्रियाकलापलाई उजागर गर्नुपर्नेमा जोड दिनुभयो । प्रमुख केसीले जिल्ला समन्वय समितिको भुमिका समन्वय ,अनुगमन र विकासमा सन्तुलन कायम राख्नु् भएको जानकारी दिनुभयो।

स्थानीय तहमा भएको साना तथा ठुला विकास आयोजनाको अनुगमन र सन्तलन कायम गर्ने जिससको भुमिका भए पनि स्थानीय तहले विकास निर्माणका आयोजनामा वेवास्ता गरेको गुनासो गर्नुभयो । प्रदेश र संघबाट जिल्लामा संचालनमा रहेका ठुला गौरबको आयोजनाको काममा ढिला सुस्ती भएको बताउनुभयो ।

प्रमुख जिल्ला अधिकारी लिलाधर अधिकारीले जिल्लाको भौतिक पुर्वाधार निर्माण, सामाजिक र आर्थिक विकासमा पत्रकारको महत्वपुर्ण भुमिका रहेको बताउनुभयो । जिल्ला समन्वय अधिकारी ज्ञानराज कोइरालाले शुभकामना दिँदै पत्रकारीतामा भाषा र प्रविधिको विकास भएमा सुचना प्रवाहमा सहज हुने बताउनुभयो ।


तालिमको समापन गर्नुहुँदै नेपाल पत्रकार महासंघ म्याग्दीका अध्यक्ष तारानाथ शर्माले धन्यवाद व्यक्त गर्नुहुँदै तामिमा सिकेका सिपलाई व्यवहार उतार्नुपर्नेमा जोड दिनुभयो ।
पहिलो दिन अन्नपुर्ण पोष्ट् दैनिकका सम्पादक अखन्ड भण्डारीले समाचार संकलनको आधार ,लेखन र भाषाको बारेमा प्रशिक्षण दिनुभएको थियो , भने आइतबार रजनीश भण्डारीले पत्रकारीतामा प्रविधीको आवश्यकता सम्बन्धी प्रशिक्षण दिनुभएको थियो ।

तालिममा सहभागिको तर्फबाट नेपाल पत्रकार महासंघ म्याग्दीका निवर्तमान अध्यक्ष सुरज केसी र गोपाल आचार्यले बोल्नुभएको थियो ।
नेपाल पत्रकार महासंघ म्याग्दीका अध्यक्ष शर्माको अध्यक्षता,उपाध्यक्ष ठाकुरप्रसाद आचार्यको स्वागत र सचिव गोरखनाथ सुवेदीको संचालनमा कार्यक्रम समापन भएको थियो ।

सम्बन्धित समाचार

thumbnail

रघुगंगा नदीमा आएको बाढीले स्काभेटर बगायो

म्याग्दी । म्याग्दीको रघुगंगा नदीमा आएको बाढीले स्काभेटर बगाएको छ । शनिवार राती रघुगंगा नदीमा आएको बाढीले राहुघाट जलविद्युत आयोजनाका ड्याम साइटमा काम गरेर नदी किनारमा पार्किङ्ग गरि राखेको ठाउँमा कटान गरेर…

thumbnail

आगामी निर्वाचनमा ३३ प्रतिशत महिला उम्मेदवार बनाउन भुसालको माग

काठमाडौँ । नेपाली काँग्रेसकी सांसद पुष्पा भुसालले आगामी संघ र प्रदेश सभाको निर्वाचनमा प्रत्येक्षतर्फ कम्तिमा ३३ प्रतिशत महिला उम्मेदवार बनाउन सरकारसँग माग गर्नुभएको छ। आईतबार प्रतिनिधिसभा बैठकको विशेष समयमा बोल्दै भुसालले प्रत्येक्ष…

thumbnail

समाज परिवर्तनका लागि विज्ञान प्रविधिको भूमिका महत्वपूर्ण : प्रधानमन्त्री देउवा

काठमाडौँ । प्रधानमन्त्री शेरबहादुर देउवाले मुलुकमा आयोजना गरिने विज्ञान तथा प्रविधि सम्मेलनले राष्ट्र विकासमा रचनात्मक भूमिका निर्वाह गर्ने बताउनुभएको छ । उहाँले मुलुकमा विज्ञान र प्रविधिको विकास र विस्तारसम्बन्धी यस्ता गतिविधिले देशको…