राष्ट्रिय पुननिर्माण कार्यलाई प्रभावकारी रुपमा सञ्चालन गर्न सरोकारवालाको जोड

म्याग्दी ,मंगलबार असार ३० गते । जिल्लामा पुननिर्माण कार्यलाई प्रभावकारी रुपमा सञ्चालन गर्न सरोकारवाला निकायहरुले जोड दिएका छन् । भूकम्प पछिको निजी आवास,पूर्वाधार र विद्यालय पुननिर्माण कार्यलाई प्रभावकारी रुपामा अगाडि बढाउन सरोकारवालाहरुले सुझाव दिएका हुन ।

राष्ट्रिय पुननिर्माण प्राधिकरण जिल्ला आयोजना कार्यान्वनय इकाई म्याग्दीले बेनीमा आयोजना गरेको चालु आर्थिक वर्ष २०७५र०७६ मा संचालित योजना तथा कार्यक्रमको समिक्षा कार्यक्रममा वोल्ने वक्ताहरुले नक्कली भूकम्पपीडितहरुका कारण पुननिर्माणलाई प्रभावकारी रुपमा सञ्चालन गर्न चुनौती थपिएको बताएका थिए ।

समिक्षा कार्यक्रममा प्रमुख अतिथि गण्डकी प्रदेशका सांसद विनोद केसीले जनप्रतिनिधि र कर्मचारीहरु पुननिर्माण कार्यमा जिम्मेवार भएर लाग्न अनुरोध गर्नुभयो । उहाँले पुन सर्वेक्षण गर्दा कुनै राजनीतिक पूर्वाग्रह नराखी वास्तवीक भुकम्प पीडितहरुलाई सिफारिस गर्न स्थानीय तहलाई अनुरोध गर्नुभयो । दक्ष जनशक्तिको अभावका कारण पनि जिल्ला आयोजना कार्यान्वयन इकाईले गुनासो नआउने तरिकाले कार्य गरेकोमा धन्यवाद पनि व्यक्त गर्नुभयो ।

सवै सरोकारवालाहरु जिम्मेवार भएर पुननिर्माणमा सहयोग गरे लक्ष्य भन्दा अगावै म्याग्दीमा पुननिर्माण कार्य सम्पन्न गर्न सकिने उहाँले आशा व्यक्त गर्नुभयो । कार्यक्रममा बेनी नगरपालिकाका मेयर हरिकुमार श्रेष्ठले नक्कली भुकम्प पीडितहरुले बलजफ्ती गरेर सक्कली भुकम्प पीडित हुन खोजेकाले पुननिर्माणमा चुनौती थपिएको बताउनुभयो । उहाँले विभिन्न कारणहरुले गर्दा इच्छा नहुँदा नहुँदै पनि भुकम्पपीडित भनेर सिफारिस गर्नुपर्ने बाध्यता रहेको बताउनुभयो ।

प्रमुख जिल्ला अधिकारी लीलाधर अधिकारीले पुननिर्माण कार्य पहिलो सिकाई भएकाले पनि कार्यन्वयनमा जाँदा समस्या आएको बताउँदै उहाँले समाधान तर्फ सवैको ध्यान पुग्नुपर्ने बताउनुभयो । एकिकृत वस्ती विकास र दिगो भू उपयोग नीति बनाएर अशुरक्षित वस्तीलाई सुरक्षित स्थानमा स्थानान्तर गर्न स्थानीय तहले योजना बनाउनुपर्नेमा जोड दिनुभयो ।

कार्यक्रममा आयोजना कार्यन्वयन इकाईका प्रमुख शिवराम गेलालले कार्यालयबाट सम्पादन भएको गत साउन देखि असार सम्मको कार्यप्रगति विवरण प्रस्तुत गर्नुभएको थियो ।

जिल्ला समन्वय समितिका प्रमुख देवेन्द्र बहादुर केसीको अध्यक्षतामा सम्पन्न कार्यक्रमको सञ्चालन आयोजना कार्यान्वयन इकाईका नायब सुव्बा चित्रनाथ शर्माको सञ्चालन र लेखाअधिकृत रामप्रसाद शर्माको स्वागतमा कार्यक्रम सम्पन्न भएको थियो । समिक्षा कार्यक्रममा म्याग्दीका स्थानीय तहका प्रतिनिधि,कार्यालय प्रमुख,कर्मचारी र पत्रकारहरुको उपस्थिति रहेको थियो ।

सम्बन्धित समाचार

thumbnail

सरकारी जागिर खान शैक्षिक योग्यताको प्रमाणपत्र किर्ते गरेको आरोपमा एक पक्राउ

काठमाडौँ । शैक्षिक योग्यताको प्रमाणपत्र किर्ते गरेको आरोपमा प्रहरीले एक जनालाई पक्राउ गरेको छ। भूमि व्यवस्था, सहकारी तथा गरिबी निवारण मन्त्रालय अन्तर्गतको राष्ट्रिय सहकारी विकास बोर्डको सञ्चालक पदको नियुक्तिको लागि नक्कली प्रमाणपत्र…

thumbnail

देश विदेशका खर्चबाट अभियन्ता भेटिन्छन् तर प्रतिफल बाहिर आएको छैन : ओली

काठमाडौँ । नेकपा एमालेका अध्यक्ष केपी शर्मा ओलीले अभियन्ताहरु थुप्रै भए पनि प्रतिफल आउन नसकेको टिप्पणी गर्नुभएको छ । मदन भण्डारीको ७१ औं जन्मजयन्तीका अवसरमा आयोजित समारोहलाई सम्बोधन गर्दै ओलीले यस्तो धारणा…

thumbnail

काठमाडौंको फोहोर दुई दिन बञ्चरेडाँडामा नलैजाने

काठमाडौँ । सिसडोलदेखि बञ्चरेडाँडासम्म जाने बाटो मर्मतको काम गर्नुपर्ने भएकाले आज र भोलि काठमाडौं उपत्यकाको फोहोर व्यवस्थापन कार्य प्रभावित हुने भएको छ। नुवाकोटको सिसडोलमा यसअघि थुपारिएको फोहोरको कारण बञ्चरेडाँडासम्म गाडी आउनरजानका लागि…