सुरक्षित गर्भपतन सेवा सुदृढीकरणसम्बन्धी अभिमुखीकरण

म्याग्दी ,विहिबार साउन ०९ गते ।‘सुरक्षित गर्भपतन सेवाः महिलाको प्रजनन अधिकार हो’ भन्ने मूल नारासहित स्वास्थ्य संस्थास्तरीय होलसाइड अभिमुखीकरण सम्पन्न भएको छ । बेनी नगरपालिका स्वास्थ्य शाखाको आयोजना र आईपास नेपाल तथा स्वास्थ्य कार्यालय म्याग्दीको सहयोगमा पुलाचौर स्वास्थ्यचौकीमा कार्यक्रम गरिएको हो ।

सुरक्षित गर्भपतन सेवाको सुदृढीकरणका लागि कार्यक्रम आयोजना गरिएको आयोजकले जनाएका छन् । कार्यक्रमको उद्घाटन गर्दै बेनी नगरपालिकाका उपप्रमुख सन्जु बरुवालले स्थानीय तह कार्यान्वयनपछि बेनी नगरपालिकाको पुलाचौरमा पहिलोपटक सुरक्षित गर्भपतन सेवा सञ्चालनको तयारी गरिएको बताइन् । उनले नगरपालिकाबाट जनताको स्वास्थ्यमा सुधार ल्याउने गरी आवश्यक कार्यक्रमहरु पनि सञ्चालन गरिने बताएकी छिन् ।

कार्यक्रममा बोल्दै बेनी नगरपालिकाका स्वास्थ्य संयोजक लिला गौतमले गर्भपतन गर्नुपर्ने अवस्था आएको खण्डमा सुचीकृत स्वास्थ्य संस्थाबाट मात्रै सुरक्षित रुपमा गर्भपतनको सेवा लिनुपर्ने बताएकी थिइन् । कार्यक्रममा स्वास्थ्य संयोजक गौतम र आईपास नेपालका गण्डकी प्रदेश संयोजक थमकुमारी कुँवरले सुरक्षित गर्भपतन सेवासम्बन्धी विषयमा सहजीकरण गरेका थिए ।

कार्यक्रमको अवसरमा पुलाचौर स्वास्थ्यचौकीको कार्ययोजना समेत निर्माण गरिएको छ । कार्ययोजना अनुसार स्वास्थ्यचौकीमा ह्वीलचियरको व्यवस्थापन, नागरिक बडापत्र राख्ने, संस्थाको बोर्ड परिवर्तन र सुरक्षित गर्भपतनको सेवा रहेकोसम्बन्धी सूचना टाँस्ने जस्ता योजनाहरु बनाइएको छ । अब छिट्टै पुलाचौर स्वास्थ्यचौकीमा पनि ९ हप्तासम्मको गर्भपतनको सेवा उपलब्ध गराउनका लागि आवश्यक तयारी थालिएको छ ।

स्वास्थ्यचौकी व्यवस्थापन समितिका उपाध्यक्ष एवं वडा सदस्य रामप्रसाद सुवेदीको अध्यक्षता, स्वास्थ्यचौकी इन्चार्ज रामप्रसाद शर्माको सञ्चालन र अनमी अमृता सुनारको स्वागतमा सम्पन्न कार्यक्रममा पुलाचौरस्थित विभिन्न संघसंस्थाबाट सरोकारवालाको सहभागिता रहेको थियो ।

सम्बन्धित समाचार

thumbnail

पिताको वार्षिक पुण्य तिथिको अवसरमा विद्यालयलाई शैक्षिक पोशाक वितरण

बेनी । स्वर्गीय बुबाको वार्षिक पुण्य तिथिको अवसरमा पारेर म्याग्दीका एक पत्रकारले विपन्न बालबालिकालाई शैक्षिक पोशाक वितरण गर्नुभएको छ। पत्रकार हरिकृष्ण गौतमले स्वर्गीय पिता बालकृष्ण गौतमले अक्षर चिनेको बेनी नगरपालिका–५ पुलाडाँडास्थति चेतना…

thumbnail

बेनी नगरपालिकाले ल्यायो ७३ करोड २२ लाख रुपैयाँको बजेट, उत्पादन र शिक्षामा जोड

सभामा छलफलपछि संशोधनसहित बजेट आजै पारित म्याग्दी ।म्याग्दीको बेनी नगरपालिकाले आगामी आर्थिक वर्ष २०७९÷८० का लागि आज (शुक्रवार) आफ्नो बजेट, नीति तथा कार्यक्रम प्रस्तुत गरेको छ । ‘कृषि, पर्यटन र पूर्वाधार, स्वच्छ,…

thumbnail

बेनी नगरपालिका –७ मा सम्मान र योजना प्राथमिकीकरण

बेनी । बेनी नगरपालिका–७, मा शनिबार आगामी आर्थिक वर्ष २०७९÷८० मा सञ्चालन हुने योजना प्राथमिकीकरण र सम्मान कार्यक्रम सम्पन्न भएको छ ।नगरपालिका, प्रदेश र संघीय सरकारमा माग गर्ने योजना छनौटका लागि आयोजित…