कस्तुरी बहुउद्देश्यीय सहकारीको दशौं साधारणसभा

बेनी,शनिबार असोज ४ गते ।
म्याग्दीको सदरमुकाम बेनीबजारमा सञ्चालित कस्तुरी बहुउद्देश्यीय सहकारी संस्था लिमिटेडको शनिबार दशौं वार्षिक साधारणसभा सम्पन्न भएको छ । कुल २ सय ४६ जना शेयर सदस्य रहेको सहकारीले शेयर पुँजी दुई करोड २१ लाख ९९ हजार सातसय रुपैयाँ रहेको जनाएको छ ।

यसैगरी संस्थाले सञ्चालन गरेको विभिन्न बचत योजनाहरु अन्तर्गत ५६ करोड २६ लाख ३४ हजार तीनसय ५८ रुपैयाँ बचत गरेकोमा ४६ करोड ११ लाख ५९ हजार एकसय ७७ रुपैयाँ बचत फिर्ता गरेको छ । त्यस्तै आवधिक र चल्ती गरी कुल ३५ करोड ९९ लाख ५९ हजार सातसय ७० रुपैयाँ बचत रहेकोमा ३९ करोड १४ लाख ५४ हजार दुईसय २६ रुपैयाँ लगानी गरिएको छ ।

साधारणसभाको अवसरमा सहकारीले एसइई परीक्षामा उत्कृष्ट अङ्क ल्याउने शेयर सदस्यहरुका छोराछोरीहरु सलिना राम्जाली, शसंक श्रेष्ठ, नयना श्रेष्ठ, श्रीराम श्रेष्ठ, लक्ष्मी श्रेष्ठ र समिप श्रेष्ठलाई दोसल्ला ओढाई प्रशंसापत्र र नगदसहित सम्मान गरेको छ । संस्थामा रहेर उत्कृष्ट कार्य गरेको भन्दै बजार प्रतिनिधि गंगामाया पुन बुढालाई दोसल्ला ओढाएर नगदसहित प्रशंसापत्रले सम्मान गरिएको छ ।

अभिभावकत्व ग्रहण कार्यक्रम अन्तर्गत बालमन्दिर आधारभूत विद्यालयका अमन तामाङ, प्रकाश माविका विशाल किसान, बेनी सामुदायिकका गंगा शाक्य र मदरसा विद्यालयका अरमान खानलाई एकसम्म पुग्ने शैक्षिक सामग्रीहरु झोला र स्टेशनरी हस्तान्तरण गरिएको छ । साधारणसभामा संस्थाका अध्यक्ष राजेश शाक्यले भावी कार्यक्रमसहित प्रगति र कोषाध्यक्ष सुन्दरमान शेरचनले प्रस्तावित बजेटससहितको आर्थिक प्रतिवेदन प्रस्तुत गरेका थिए ।

साधारणसभाको उद्घाटन गर्दै सहकारीका संस्थापक अध्यक्ष राजेन्द्रकुमार श्रेष्ठले संस्था स्थापनाको छोटो अवधिमै सामाजिक र शैक्षिक कार्यक्रम सञ्चालन गर्न सफल भएको बताए । उनले सहकारी दुर्घटना नहोस् भनेर ‘एक व्यक्ति, एक सहकारी’को अवधारणा ल्याएको भन्दै सरकारले पछिल्लोपटक व्याजदरमा समेत समायोजन गरेको बताए । कार्यक्रम सहकारीका अध्यक्ष शाक्यको अध्यक्षता, उपाध्यक्ष सुन्दरकुमार श्रेष्ठको स्वागत र सचिव विनय श्रेष्ठको सञ्चालनमा सम्पन्न भएको थियो ।

सम्बन्धित समाचार

thumbnail

पिताको वार्षिक पुण्य तिथिको अवसरमा विद्यालयलाई शैक्षिक पोशाक वितरण

बेनी । स्वर्गीय बुबाको वार्षिक पुण्य तिथिको अवसरमा पारेर म्याग्दीका एक पत्रकारले विपन्न बालबालिकालाई शैक्षिक पोशाक वितरण गर्नुभएको छ। पत्रकार हरिकृष्ण गौतमले स्वर्गीय पिता बालकृष्ण गौतमले अक्षर चिनेको बेनी नगरपालिका–५ पुलाडाँडास्थति चेतना…

thumbnail

बेनी नगरपालिकाले ल्यायो ७३ करोड २२ लाख रुपैयाँको बजेट, उत्पादन र शिक्षामा जोड

सभामा छलफलपछि संशोधनसहित बजेट आजै पारित म्याग्दी ।म्याग्दीको बेनी नगरपालिकाले आगामी आर्थिक वर्ष २०७९÷८० का लागि आज (शुक्रवार) आफ्नो बजेट, नीति तथा कार्यक्रम प्रस्तुत गरेको छ । ‘कृषि, पर्यटन र पूर्वाधार, स्वच्छ,…

thumbnail

बेनी नगरपालिका –७ मा सम्मान र योजना प्राथमिकीकरण

बेनी । बेनी नगरपालिका–७, मा शनिबार आगामी आर्थिक वर्ष २०७९÷८० मा सञ्चालन हुने योजना प्राथमिकीकरण र सम्मान कार्यक्रम सम्पन्न भएको छ ।नगरपालिका, प्रदेश र संघीय सरकारमा माग गर्ने योजना छनौटका लागि आयोजित…