बिम बस दुर्घटना ः मृतक ४ जनाको सनाखत

बेनी,सोमबार कात्तिक १८ गते । म्याग्दीको मालिका गाउँपालिका –७ बिममा यात्रुबाहक बस दुर्घटनामा परि ज्यान गुमाउने चारैजनाको सनाखत भएको छ । आइतबार साँझ साढे ६ बजेको समयमा दरबाङदेखी मालिका– ७ बिम गाउँतर्फ जाँदै गरेको ग १ ख ४४ ७६ नम्बरको यात्रुबाहक बस बिमको गलघण्टी घुम्तीमा अनियन्त्रीत भई दुर्घटना हुँदा बसमा सवार ४ जनाको घटनास्थलमा नै ज्यान गएको थियो ।

मृत्यु हुनेमा बिम निवासी ७० बर्षिया सतदेबी भट्टचन ,बिम निवासी ११ बर्षिया आयुषा जुग्जाली,सोही बिम निवासी ९ बर्षिय रबि जुग्जाली र गुल्मीको कालिगण्डकी –२ निवासी विष्णु पाण्डे रहेकोे जिल्ला प्रहरी कार्यालय म्याग्दीका सुचना अधिकारी प्रहरी निरिक्षक धु्रबप्रसाद शर्माले जानकारी दिनुभयो ।


घाईते हुनेमा मालिका गाउँपालिका –७ बिम निवासी ६० बर्षिय राजमान दर्जी ,सोही बिम निवासी ५३ बर्षिय हुम बहादुर जुग्जाली ,३८ बर्षिय पलप्रसाद जुग्जाली ,२६ बर्षिय नरदेबी परियार ,बेनी नगरपालिका ९ घटान निवासी १६ बर्षिय बिसन खत्री,बेनी नगरपालिका ०४ राक्ष निवासी १७ बर्षिय गौरब पौडेल ,बागलुङको ताराखोला गाउँपालिका ५ निवासी १७ बिजय कंडेल ,बेनी नगरपालिका ४ राक्ष निवासी १९ बर्षिया प्रमिस पौडेल ,मालिका –७ बिम निवासी २६ बर्षिया दिलु शेरपुञ्जा ,सोही बिम निवासी ६ बर्षिया कृष्टिना जुग्जाली ,६१ बर्षिया तनदेबी जुुग्जाली ,६० बर्षिया चन्द्रकली दर्जी ,३८ बर्षिया पलदेबी जुग्जाली ,अन्दाजी १८ बर्षिय शुरेश जुग्जाली ,बिम निवासी ३१ बर्षिया लिला जुग्जाली ,धवलागिरी गाउँपालिका ३ दर निवासी १८ बर्षिया रिलमाया बुढा ,बेनी नगरपालिका ३ भकिम्ली निवासी ३५ बर्षिय केशब शर्मा न्युरे , मालिका ४ च्युरिबोट निवासी १७ बर्षिया अन्जु घर्ति ,सोही च्युरिबोट निवासी १८ बर्षिया खिममाया घर्ति र मंगला गाउँपालिका ५ छिसबाङ निवासी २२ बर्षिय रमिला खत्रि रहेका छन् ।


दुर्घटनामा परि घाईते भएकाहरु मध्ये मंगला गाउँपालिका १ पैयुँपाटाका टेकबहादुर सार्की सहित ९ जनालाई थप उपचारका लागि बेनी अस्पताल रिफर गरिएको दरबाङ प्राथमिक स्वास्थ्य केन्द्रका प्रमुख डाक्टर तिलक गौतमले जानकारी दिनुभयो । उहाँका अनुसार अन्य सामान्य घाईतेहरु प्राथमिक स्वास्थ्य केन्द्रमा सामान्य उपचारपछि घर फर्किएका छन् । उद्धारमा दरबाङ स्थित इलाका प्रहरी कार्यालयबाट खटिएको प्रहरी टोली, जनप्रतिनिधि र स्थानीयबासी खटिएका थिए । बस सडकबाट करिब २ सय मिटर तल खसेको प्रहरीले जनाएको छ । रातको समय भएकाले उद्धारमा समस्या भएको थियो ।

सम्बन्धित समाचार

thumbnail

मालिका गाउँपालिकाको बजेट ४८ करोड १८ लाख ३६ हजार रुपैयाँ (तस्बिरहरु)

बेनी । म्याग्दीको मालिका गाउँपालिकाले आगमी आर्थिक बर्ष २०७९÷८० को निति तथा कार्यक्रम र बजेट पारित गरेको छ । शुक्रबार वडा नम्बर ६ स्थित छ्यारछ्यारेमा सम्पन्न गाउँपालिकाको दोस्रो गाउँसभामा गाउँपालिका अध्यक्ष बेगप्रसाद…

thumbnail

एक लाख ८६ हजार रुपैयाँ बढीको फर्निचर सामग्री सहयोग

बेनी । म्याग्दीको मालिका गाउँपालिका–१,निस्कोट स्थित दुध पराई (मुखिया)पुन सेवा समाजलाई अमेरीकाबाट एक लाख ८६ हजार ७६७ रुपैयाँ सहयोग प्राप्त भएको छ । अमेरीकामा रहनुभएका मिलन पुन ,प्रेम पुन ,उत्तम पुन र…

thumbnail

जनप्रतिनिधिबिचको विवादले मालिका गाउँपालिकाको पहिलो र विशेष गाउँसभा स्थगित

बेनी । म्याग्दीको मालिका गाउँपालिकामा नवनिर्वाचित जनप्रतिनिधीहरुबीच पहिलो गाउँसभामै बिवाद भएको छ । दरवाङ स्थित छ्यारछ्यारेमा बुधबार आयोजित विशेष गाउँसभा एमाले र अन्य दलबाट निर्वाचित जनप्रतिनिधीहरुको बिवादका कारण स्थगित भएको छ ।…