आर्थिक मालिका गाउँपालिका राष्ट्रिय समाचार स्थानीय

मालिका गाउँपालिकाको बजेट ४१ करोड ५४ लाख

बेनी ,बुधबार असार १० गते ।
म्याग्दीको मालिका गाउँपालिकाले साढे ४१ रुपैयाँ बढीको बजेट पारित गरेको छ । बुधबार गाउँपालिकाको केन्द्र दरबाङ्गमा बसेको सातौं गाउँसभाले आगमी आर्थिक बर्ष २०७७÷०७८ का ४१ करोड ५४ लाख १० हजार ९४९ रुपैयाँ बराबरको बजेट पारित गरेको गाउँपालिकाका प्रवक्ता तथा वडा नं १ का अध्यक्ष टंकप्रसाद पुन मगरले जानकारी दिनुभयो ।

गाउँसभामा गाउँपालिकाका उपाध्यक्ष खरमाया विटालुले प्रस्तुत गर्नुभएको बजेट गाउँसभाले पारित गरेको हो । कुल बजेटको ५ करोड ५० लाख रुपैयाँ चालुतर्फ र १३ करोड ६५ लाख ५ हजार रुपैयाँ पुँजीगत तर्फ विनियोजन गरिएको छ । संघिय सरकारबाट प्राप्त हुने शसर्त अनुदान तर्फ १६ करोड तीन लाख ,वित्तिय समानिकरण अनुदान संघिय सरकार ८ करोड ५९ लाख ,संघिय विभाज्य कोषबाट प्राप्त हुने राजश्व बाँडफाड ७ करोड ८ लाख ,प्रदेश सरकारबाट प्राप्त हुने वित्तिय समानिकरण अनुदान १ करोड २१ लाख ६३ हजार ,प्रदेश सरकार राजश्व बाँडफाँडतर्फ २५ लाख ५९ हजार ,आन्तरिक राजश्व बाँडफाँड ५० लाख रुपैयाँ रहेको छ । यसैगरी गाउँपालिकाको अनुमानित मौज्दात १ करोड ५० लाख रुपैयाँ रहेको छ ।

गाउँपालिकाले अािर्थक विकासलाई जोड दिएको उपाध्यक्ष विटालुले बताउनुभयो । गाउँपालिकाको बजेटमा कोरोना नियन्त्रण र रोकथाम ,गौरबका आयोजना लगायतका पूर्वाधार, शिक्षा, स्वास्थ्य, कृषि, पशुपालन, पर्यटन लगायतको क्षेत्रलाई प्राथमिकताका साथ समावेश गरिएको छ । साथै नमुना मालिका गाउँपालिका निर्माण अभियानलाई निरन्तरता दिइएको छ ।

गाउँपालिकाका अध्यक्ष श्रीप्रसाद रोका मगरले आगमी आर्थिक बर्षको बजेट तथा कार्यक्रमलाई प्रभाबकारी कार्यान्वयनको लागि सुरुवातदेखि नै जुट्न सबैलाई आह््वान गर्नुभएको थियो । गाउँपालिकाका अध्यक्ष रोका मगरको अध्यक्षतामा सम्पन्न सभालाई गाउँपालिकाका प्रमुख प्रशासकिय अधिकृत सुर्य विश्वकर्माले सहजीकरण गर्नुभएको थियो । सभामा गाउँसभाका सदस्यहरुले बजेट तथा कार्यक्रमलाई प्रभावकारी बनाउन सुरुवातदेखी जुट्नुपर्नेमा जोड दिएका थिए ।

सम्बन्धित समाचार

thumbnail

मोना युकेले बाढी पहिरो पीडितका लागि तत्काल तीन लाख रुपैयाँ पठाउने

म्याग्दी । म्याग्दी समाज (मोना)युकेले जिल्लाका बाढी पहिरो पीडितका लागी तत्काल तीन लाख रुपैयाँ उपलब्ध गराउने भएको छ । म्याग्दी समाज (मोना) युकेले तत्काल बाढी पहिरो पीडितलाई राहत उपलब्ध गराउन ERP कोषबाट…

thumbnail

बाढी पहिरो पीडितका लागि राष्ट्रिय युवा संघ र अनेरास्ववियू म्याग्दीद्वारा राहत संकलन

अमित विश्वकर्माबेनी । राष्ट्रिय युवा संघ नेपाल म्याग्दी र अनेरास्ववियूले सोमबार बेनीमा घरदैलो गरि १ लाख ४ हजार ३ सय ९५ रुपैयाँ सहयोग संकलन गरेको छ । गत बिहिबार राति देखी परेकोको…

thumbnail

बाढी पहिरो पीडितका लागी म्याग्देली युवा आवाजद्वारा दुई लाख रुपैयाँ सहयोग

बेनी ,आइतबार असार २७ गते ।स्वदेश तथा बिदेशमा रहेका स्वतन्त्र म्यादीका युवाहरूको सामाजिक संजालको समुह म्यादेली युवा आवाजले म्याग्दीका बाढी पहिरो पीडितको राहतका लािग दुई लाख रुपैयाँ सहयोग गरेको छ । समुहका…

Write a Reply or Comment