कपिलवस्तु । कपिलवस्तुको विजयनगर गाउँपलिका–१ गोबरहवा बिशवा खोलामा एक जना मृत अवस्थाा फेला परेका छन्। स्थानीय ६० वर्षीय राम समुझ थारु मृत अवस्थामा फेला परेका हुन। मृतक थारु साँझ ६ बजेतिर झारफूक गर्न छिमेकी गाउँ नौडिहवा गएका थिए।
घरमा आई मदिरा सेवन गरी घरदेखि १ किलो मिटरमा रहेको गाई गोठमा गएको परिवारदले जनाएका छन्। उनी राती अबेरसम्म घरमा नफर्केपछि परिवारले रातीदेखि नै खोजतलास गरे पनि भेटिएका थिएनन्। अर्को दिन फेरि खोजतलास गर्दा गोठदेखि ५ सय मिटर दक्षिणतर्फ रहेको बिशवा खोलाको पानीमा डुबेको अवस्थामा मृत फेला परेको इलाका प्रहरी कार्यालय गणेशपुरले जानकारी दिएको छ। राति खोलामा आएको बाढीले बगाएको प्रहरीले बताएको छ।nagariknews.nagariknetworkबाट साभार
