९४ थान मोबाइल बरामद

काठमाडौँ । महानगरीय प्रहरी प्रभाग नागढुंगाले काठमाडौँ चन्द्रागिरि–२ नागढुंगास्थित चेक प्वाइन्टबाट बिल तथा कागजात नभएको मोबाइल बरामद गरेको छ । प्रहरी निरीक्षक हेमन्त विक्रम थापाको कमाण्डमा खटिएको प्रहरी टोलीले दुई चरणमा गरेर छुट्टाछुटै चेकजाँचको क्रममा ९४ थान मोबाइल बरामद गरेको हो ।

चितवनबाट काठमाडौँ आएको बा ३ ख ३१०६ नम्बरको यात्रुबाहक हाइस रोकी खानतलासी गर्ने क्रममा उक्त बसको छतमा कार्टुन बाकसभित्र बिल नभएको अवस्थामा ५६ थान मोबाइल फेला परेको महानगरीय प्रहरी वृत्त थानकोटका प्रमुख घनश्याम श्रेष्ठले बताए ।

पहिलो चरणमा ८ ए डियुल मोबाइल ६ वटा, रेडमी २३ वटा, सामसुङ नोट ४ वटा, रियल मी २२ वटा र नार्जौ १ वटा गरी कुल ५६ वटा मोवाइल बरामद गरिएको श्रेष्ठले बताए ।

उक्त बरामद मोबाइलहरु आवश्यक अनुसन्धान तथा कारवाहीको लागि राजस्व अनुसन्धान विभाग, हरिहरभवन ललितपुर पठाइएको थानकोट प्रहरीले जनाएको छ ।

त्यस्तै प्रहरी टोलीले ना ५ ख २२८७ नम्बरको नेपालगञ्जबाट काठमाडौँतर्फ आउने यात्रुबाहक बस चेकजाँच गर्ने क्रममा लुकाईछिपाई ल्याउँदै गरेको विभिन्न कम्पनीका ३८ थान मोबाइल बिना बिल तथा कागजात फेला पारी नियन्त्रणमा लिएको छ ।

प्रारम्भिक अनुसन्धानको क्रममा उक्त मोबाइल जिल्ला काठमाडौँ नागार्जुन नगरपालिका–३ बस्ने बर्ष २८ को आशिक श्रेष्ठले खरिद गरेको पाइएको प्रहरीले जनाएको छ । श्रेष्ठलाई काठमाडौँ महानगरपालिका वडा नम्बर १५ स्वयम्भुबाट नियन्त्रणमा लिइएको श्रेष्ठले रातोपाटीलाई जानकारी दिए ।

प्रहरीकाअनुसार भिवो मोबाइल ७ थान, ओपो मोबाइल ६ थान, रेडमी मोबाइल १७ थान, सामसुङ मोबाइल ५ थान, वान प्लस १ थान, मोटरवला १ थान, इनफिक्स मोवाइल १ थान रहेको छ ।

बरामदी मोबाइलको बजार मूल्य अन्दाजी ३ लाख ५० हजार रहेको छ । बरामद मोबाइल तथा पक्राउ परेका श्रेष्ठलाई आवश्यक अनुसन्धान तथा कारबाहीको लागि भन्सार कार्यालय सानोगौचर, काठमाडौँ पठाइएको छ । रातोपाटीबाट साभार

सम्बन्धित समाचार

thumbnail

जंगलमा हातखुट्टा बाँधि गाडी लुटेर तीन जना फरार

धनगढी । अत्तरिया डडेल्धुरा जोड्ने भिमदत्त पन्त राजमार्ग अन्तर्गत कैलालीको गोदावरी नगरपालिका–४ सडक छेउमा सोमबार बिहान १ बजेतिर एक जना पुरुषलाई हातखुट्टा बाँधेर लडिरहेको अवस्थामा स्थानीयले देखे । गोदावरीदेखि करिब ६ किलोमिटरमाथी…

thumbnail

दाइको हत्या आरोपमा भाइ र भाइका साथी पक्राउ

सर्लाही । सर्लाहीको कविलासी नगरपालिका–८ अगर्वामा एक युवकको हत्या भएको घटनामा संलग्न रहेको आरोपमा प्रहरीले मृतककै सहोदर भाइसहित दुई जनालाई पक्राउ गरेको छ। कविलासी नगरपालिका–८ अगर्वाका स्थानीयवासी अन्दाजी वर्ष २४ का अमरेन्द्र…

thumbnail

भारतीय बजार गएका दाङका २ युवतीमाथि सामूहिक बलात्कार, ४ जना लुटिए

दाङ । दाङस्थित नेपाल–भारत सीतावर्ती क्षेत्रमा दुई नेपाली युवतीमाथि सामूहिक बलात्कार भएको छ । आइतबार बिहान करिब ११ बजे भारतको मनीपुर बजार गएका राजपुर गाउँपालिकाका दुई युवती भारतीय युवकहरूबाट बलात्कृत भएको जिल्ला…