काेराेना अपडेट बेनी नगरपालिका मुख्य समाचार म्याग्दी न्युज विशेष स्थानीय स्वास्थ्य

बेनीमा होल्डिङ सेन्टर

म्याग्दी । म्याग्दीको सदरमुकाम बेनी स्थित कालिपुलमा होल्डि सेन्टर सञ्चालनमा ल्याइएको छ । महामारीको रुपमा फैलिएको कोरोना रोकथाम गर्न विदेश र बाहिरी जिल्लाबाट आवतजावत गर्ने यात्रुहरुलाई व्यवस्थापन गर्न जिल्ला प्रशासन कार्यालयको समन्वय तथा जिल्ला स्थित सबै स्थानीय तहको सहयोगमा होल्डिङ सेन्टर संचालनमा ल्याइएको हो ।

सो होल्डिङ सेन्टर तथा नागरिक सहायता कक्ष कालिपुल स्थित पर्यटक सुचना केन्द्रको भवनमा संचालन गरिएको जिल्ला प्रहरी कार्यालय म्याग्दीका प्रहरी नायव उपरिक्ष श्यामकुमार राईले बताउनुभयो । उहाँका अनुसार होल्डिङ सेन्टरमा विदेश तथा अन्य जिल्लाबाट आउने नागरिकको बिस्तृत बिवरण सहितको अभिलेख राख्ने र सम्बन्धीत वडाका जनप्रतिनिधिसंग समन्वय गरेर घर पठाउने व्यवस्था मिलाइएको छ ।

जिल्लामा कोरोना संक्रण बढ्ढै गएको र बाहिरी जिल्लाबाट म्याग्दी आउने नागरिकहरु गाउँमा पुगेर क्वारिन्टीनमा नबसी अन्य नागरिक संग सम्पर्क हुँदा थप कोरोना संक्रमणको जोखिम बढ्नेभएपछि कोभिड–१९ जिल्ला संकट व्यवस्थपान केन्द्रले होल्डिङ सेन्टर संचालनमा ल्याउने निर्णय गरेको थियो । होल्डिङ सेन्टरमा जिल्लाका ६ वटै स्थानीय तहका कर्मचारी खटाइएको छ ।

कालिपूल स्थित चेकपोष्टबाट भित्रने सवारी साधनका यात्रुलाई सिधै होल्डिङ सेन्टरमा झारिने स्वास्थ्य कार्यालय म्याग्दीका निमित्त प्रमुख एकनारायण लम्सालले जानकारी दिनुभयो ।चेकपोष्टदेखी होल्डिङ सेन्टर सम्म सवारी साधन र यात्रुलाई ल्याउन सुरक्षाकर्मीले निगरानी गर्ने भएका छन् । जिल्लामा कोरोना संक्रमणको दर दिनानुदिन बढिरहेको छ । स्वास्थ्य कार्यालय म्याग्दीका अनुसार म्याग्दीमा हालसम्म २ सय ७० जना भन्दा बढीमा कोरोना संक्रमण देखिएको छ ।

 

सम्बन्धित समाचार

thumbnail

म्याग्दीमा थपिए ५२ जना कोरोना संक्रमित

बेनी । म्याग्दीमा थप ५२ जनामा कोरोना संक्रमण पुष्टि भएको छ । स्वास्थ्य निर्देशनालय गण्डकी प्रदेशका अनुसार म्याग्दीमा २७ महिला र २५ जना पुरुष गरी ५२ जनामा कोरोना संक्रमण पुष्टि भएको हो…

thumbnail

बाँकेमा दुई घण्टाको अन्तरालमा पाँच संक्रमितको मृत्यु

काठमाडौं । बाँकेमा कोरोना भाइरस (कोभिड–१९) संक्रमणबाट दुई घण्टाको अन्तरालमा थप पाँचजनाको मृत्यु भएको छ । बाँकेका कोरोना फोकल पर्सन तेज ओलीका अनुसार शुक्रबार बिहान १०ः३० देखि दिउँसो १२ः४० सम्म थप ५…

thumbnail

स्याङ्जामा गाउँमै कोरोना परीक्षण

स्याङ्जा । स्याङ्जाको वालिङ नगरपालिकाले लक्षण देखिएका बिरामीको स्वाब परीक्षण तथा औषधि गाउँगाउँमै पु¥याउने गरेको छ । नगरपालिकाले स्वास्थ्यसम्बन्धी मापदण्डलाई कार्यान्वयन गर्दै घरघरमै पुगेर लक्षण देखिएका बिरामीको स्वाबको नमूना परीक्षण तथा औषधि…