बेनी नगरपालिका म्याग्दी राष्ट्रिय समाचार समाज

विपन्न परिवारलाई खाद्यान्न सहयोग

बेनी ।कोरोना भाइरस दोस्रो लहरसँगै जारी लकडाउनका कारण समस्यामा परेका बेनी नगरपालिका–५, पुलाचौरका ७१ विपन्न परिवारलाई १ लाख ४० हजार बराबर को खाद्यान्न सहयोग गरिएको छ ।आर्थिक अवस्था कमजोर भएकालाई हातमुख जोड्न नै धौ–धौ परेको अवस्थालाई मध्यनजर गरी नेपाली कांग्रेस पुलाचौर कार्यसमितिको अगुवाईमा वडाभित्रका विभिन्न बस्तीमा विपन्नको पहिचान गरी खाद्यान्न सहयोग हस्तान्तरण गरिएको स्थानीय नेता गंगा केसीले जानकारी दिनुभयो ।

करिब एक महिना लामो लकडाउनका कारण दैनिक ज्यालादारी मजदूरहरुको अवस्था दयनीय बन्दै जान थालेपछि भोकभोकै बस्नुपर्ने अवस्थाका बगुवाखोलामा २ घर, खोरगैरामा ४, भिरमुनीमा १३, पुरुंडीमा १५ घर, पुलाडाँडामा २, उपल्लोचौरमा ८ घर, नयाँ गाउँमा ८ घर, गाजनेमा १ घर , चिप्लेटीमा ९ घर र डडुवामा ९ घरलाई प्रति परिवार १ बोरा चामल, नुन, तेल, दाल, साबुन लगायात खाद्यान्न सामग्री बितरण गरिएको नेपाली कांग्रेस पुलचौर कार्यसमितिले जनाएको छ ।

‘विपन्नको घरदैलोमा पुग्ने अभियान सकिएको छैन्,‘घरमा खाने खाद्यान्न भएकालाई सहयोग जारी राखेका छौ’ कांग्रेस बेनी नगर समितिका उपसभापति याम बानियाँले भन्नुभयो । वडाभित्र थप खाद्यान्न आवश्यक रहेका विपन्नलाई समेत सहयोग जुटाउने गरी अभियानमा साथ दिन समेत उहाँले अपिल गर्नुभयो ।सहयोग हस्तान्तरणको क्रममा राहतका लागी उपलब्ध खाद्यान्नबाट केही परिवारलाई आधा बोरा चालम सहितको खाद्यान्न साम्रागी सहयोग गरिनुका साथै भविस्यमा समेत थप सहयोगको प्रतिबद्धता जनाइएको थियो ।

सहयोग हस्तान्तरण कार्यक्रममा स्थानीय कांग्रेस नेता मोहन खत्री, नर ब. बिक, नबिन बानियाँ, तेज प्रकाश बानियाँ, सचिन परियार,शान्ति शर्मा लगायतले घर–घरमै पुगेर सहयोग हस्तान्तरण गरेको जनाइएको छ । खाद्यान्न सहयोग अभियानमा अमेरिकाबाट अमर भण्डारी, प्रकाश भण्डारी, राजेन्द्र केसी, मणिलाल विक र जापानबाट प्रकख खत्रीले सहयोग गर्नुभएको नेपाल तरुण दल प्रदेश क सभापति अशल केसीले जानकारी दिनुभयो ।

 

सम्बन्धित समाचार

thumbnail

बेनी अस्पताललाई स्वास्थ्य सामग्री सहयोग

बेनी । म्याग्दीको बेनी अस्पताललाई स्वास्थ्य सामग्री सहयोग प्राप्त भएको छ । संविधानसभा सदस्य तथा नेपाली कांग्रेस म्याग्दीका निवर्तमान सभापति रेशमबहादुर बानियाँको समन्वयमा नेपाल मेडिकल एशोसिएसन ( एनएमए)का बरिष्ठ उपाध्यक्ष डा.शिवप्रसाद श्रेष्ठले…

thumbnail

बेनी अस्पताललाई ४ वटा अक्सिजन कन्सन्ट्रेटर सहयोग

म्याग्दी । बेनी अस्पताललाई ४ वटा अक्सिजन कन्सन्ट्रेटर सहयोग प्राप्त भएको छ । नेपाल मेडिकल एसोसेशनले वुधबार बेनी अस्पताललाई ४ वटा अक्जिसन कन्सन्ट्रेटर सहयोग गरेको हो । एसोसेशनको सहयोगमा आएकोे कन्सन्ट्रेटर नेपाली…

thumbnail

गाउँमै आपत्कालीन कोष घोषणा, एकैदिन ६ लाखभन्दा बढी जुट्यो

बेनी । कोभिड–१९ महामारीसँग जुध्न वडामा भइरहेको अभियानमा सहयोग गरिरहेका प्रवासमा रहेका बेनी नगरपालिका–३,भकिम्लीबासीले आपत्कालिन कोष स्थापना गरेका छन्। प्राकृतिक विपत्ती, स्वास्थ्य उपचार, राहत तथा कुनैपनि आपत्कालिन समस्या परेका गाउँलेलाई दिर्घकालिन रुपमा…