अन्तराष्ट्रिय आर्थिक मुख्य समाचार म्याग्दी न्युज विशेष रघुगंगा गाउँपालिका राष्ट्रिय

रघुगंगा गाउँपालिकाका बाढी–पहिरो पीडितलाई घर हस्तान्तरण (तस्विर सहित)

बेनी । म्याग्दी प्रवासी नेपाली संघ (मोना) अन्तर्राष्ट्रिय कार्यसमितिले बाढीपहिरोले विस्थापित भएका ४० परिवारलाई नयाँ घर बनाएको छ । गत बर्खाको पहिरोले घर भत्किएका, पुरिएका र बगाएको घर निर्माण गरी पीडितलाई चावी हस्तान्तरण गरिएको हो ।

जिल्ला विपद् ब्यवस्थापन समिति, स्थानीय पालिकाहरुसँग समन्वय गरी जग्गाविहिनलाई एकीकृत बस्ती र जग्गा भएका पीडितलाई मापदण्ड अनुसारकाप्रतिघर पाँच-पाँच लाख रुपैयाँ गरी कुल २ करोडको लागतमा घर निर्माण गरिएको थियो । बेनी नगरपालिकाबाट सुरू गरिएको हस्तान्तरण कार्यक्रम आइतबार रघुगंगा गाउँपालिकामा पुगेर सम्पन्न भएको छ ।

करिब ६ महिनाको अवधिमा मोनाले धवलागिरी गाउँपालिकामा १४, मालिकामा १०, मंगला, रघुगंगा, अन्नपूर्ण गाउँपालिका र बेनी नगरपालिकामा चार चार वटा पहिरो पिडितको घर निर्माण गरेको पहिरो पिडितको घर पुननिर्माण समितिका सदस्य दल शेरपुजाले बताउनुभयो । गतबर्षको माघ महिनामा रघुगंगा गापा–५, झिँबाट सुरू भएको पुर्नवास अभियानले पीडितको घाउमा मलम लगाउने प्रयास गरिएको मोनाले जनाएको छ ।

 

मंगला गाउँपालिकाका बाढी–पहिरो पीडित परिवारलाई घर हस्तान्तरण

आइतबार रघुगंगा गापाभित्र निर्मित ४ घर मोनाका अध्यक्ष ओमनारायण जुग्जालीले गाउँपालिका अध्यक्ष भवबहादुर भण्डारी, उपाध्यक्ष कमला तिलिजा, प्रमुख प्रशासकीय अधिकृत अमृत सुबेदी, वडा नं ५ का अध्यक्ष मनबहादुर शेरपुञ्जा,वडा नं ८ का अध्यक्ष गमान छन्त्यालको उपस्थितीमा पीडितलाई हस्तान्तरण गरिएको थियो ।

बेनी नगरपालिकामा मोनाले बनाइदिएका चार वटा घर लाभग्राहीलाई हस्तान्तरण (तस्विर सहित)

मोनाका अध्यक्ष जुग्जालीले प्रवासीले आफ्नो गास काटेर घर बनाएको बताउँदै घरको संरक्षण नै मोना र सहयोगदाताको सम्मान भएको बताउनुभयो ।सोही अवसरमा रघुगंगाका अध्यक्ष भण्डारीले गाउँपालिका भित्र १७ पूर्ण क्षती भएकोमा जिल्ला विपद् ब्यवस्थापन समितिले १३ घर छनौट गरेकोमा मोना बाहेक छुटेका चार सहित सबै घरको सम्झौताका लागि जिल्ला विपद् ब्यवस्थापन समितिमा पठाइएको बताउनुभयो । स्थानीय तहले समेत भविस्यमा प्रवासी म्याग्देलीसँग थप सहकार्य गर्न तयार रहेको बताएका छन् ।

मोनाद्वारा मालिका र धवलागिरी गाउँपालिकाका बाढी-पहिरो पीडितलाई घर हस्तान्तरण

घर हस्तान्तरणका लागि मोनाबाट घर हस्तान्तरण कार्यक्रममा मोनाका अध्यक्ष जुग्जाली पूर्व अध्यक्ष एवम् प्रमुख संरक्षक चक्रबहादुर थापा, उपाध्यक्ष सुर्जे भट्टचन सचिव रमेश पौडेल, सह–कोषाध्यक्ष महेन्द्र खड्का, मोना आइसी सदस्य एवम् निमाण समिति सदस्य दल शेरपुन्जा र मध्यपुर्व उपसंयोजक सुबोध बरुवाल लगायत खटिनुभएको थियो। कार्यक्रमको सञ्चालन सचिव रमेश पौडेलले गर्नुभएको थियो ।

अन्नपूर्ण गाउँपालिकाका बाढी-पहिरो पीडितलाई घर हस्तान्तरण(तस्बिर सहित)

सम्बन्धित समाचार

thumbnail

ब्राजिलमा कोरोना संक्रमणका कारण एक दिनमै १३४४ जनाको मृत्यु

काठमाडौं । ब्राजिलमा कोभिड १९ बाट हुने मृत्यु अझै पनि घट्न सकेको छैन । यहाँका अधिकारीहरुका अनुसार पछिल्ला केही दिनमा कोभिडबाट हुने मृत्यु बढ्दै गएको छ । कोभिड १९ बाट धेरै प्रभावित…

thumbnail

टोकियो ओलम्पिक : अमेरिका ३५ पदकसहित शीर्ष स्थानमा

काठमाडौं । जापानको राजधानी टोकियोमा जारी ३२औँ ग्रीष्मकालीन ओलम्पिक खेलकुदमा अमेरिका ३५ पदकसहित शीर्ष स्थानमा उक्लेको छ । चीन र जापानलाई उछिन्दै अमेरिका शीर्ष स्थान ओगट्न सफल भएको हो । अमेरिकाले हालसम्म…

thumbnail

बङ्गलादेशबाट आइपुग्यो ५२ हजार मेट्रिकटन युरिया मल

काठमाडौं । बङ्गलादेशबाट खरिद गरिएको ५२ हजार मेट्रिकटन युरिया मल नेपाल आइपुगेको छ । सरकार– सरकार (जिटुजी) मार्फत रासायनिक मल खरिद गरिने सम्झौताअनुसार सो परिमाणको मल कृषि सामग्री कम्पनी लिमिटेड प्रादेशिक कार्यालय…