काठमाडौ । आदिवासी जनजाति पत्रकार महासंघ (फोनिज)ले १० जना सञ्चारकर्मी र मातृभाषाका दुई वटा पत्रिकालाई आदिवासी जनजाति राष्ट्रिय पत्रकारिता पुरस्कार (फोनिज अवार्ड) प्रदान गरेको छ ।
फोनिजको २२औं स्थापना दिवसको अवसरमा बुधबार काठमाडौंमा आयोजित समारोहमा राष्ट्रिय सूचना आयोगका प्रमुख आयुक्त महेन्द्रमान गुरुङले अवार्ड वितरण गर्नुभयो ।
अवार्ड प्राप्त गर्नेमा कुमार यात्रु, सन्त गाहामगर, भवानी बराल, रचना श्रेष्ठ, राजकुमार दिक्पाल, टेकराज थामी, आङदावा शेर्पा, तिलक पुन, इन्द्रजित मुखिया र मौसम रोक्का छन् ।
आदिवासीरजनजाति मुद्दामा कलम चलाउने बराल प्रेस काउन्सिलका पूर्वअध्यक्ष हुनुहुन्छ । गाहा मगर र थामीले क्रमशः फोनिज युके सम्मान र पुरस्कार प्राप्त गरेर्नुभएको हो।
फोनिजले यो वर्षदेखि शुरु गरेको मातृभाषा पत्रकारिता पुरस्कार तान्छोक्पा मासिक (लिम्बु) र पहुरा दैनिक (थारु)ले पाएका छन् । फोनिजमा किराँत राई, लिम्बु, तामाङ, थारु, शेर्पा, गुरुङ, मगर, नेवारलगायत जातीय पत्रकार संस्थाहरु आवद्ध छन् । अनलाइनखबरबाट
