ओलीले कानले सुन्ने खालका मात्र विकास गर्नुहुन्छ : महामन्त्री शर्मा

बिर्तामोड । कांग्रेस महामन्त्री विश्वप्रकाश शर्माले केपी ओलीको पार्टीले कानले सुन्ने खालका विकासको नेतृत्व गर्ने गरेको आरोप लगाउनुभएके छ । गृहजिल्ला झापाको बिर्तामोडमा मंगलबार आयोजित गठबन्धनको चुनावीसभालाई सम्बोधन गर्दै शर्माले आँखाले देख्ने खालको विकासको नेतृत्व कांग्रेसले मात्र गरेको दाबी गर्नुभयो ।

‘देशमा दुई खाले विकास छ । एकखाले विकासको नेतृत्व कमरेड केपी ओलीले गर्नुहुन्छ । अर्कोखाले विकासको नेतृत्व हामी (कांग्रेस) ले गर्छौं । ओलीले नेतृत्व गरेको विकास अलि स्वादिलो हुन्छ, कानले सुन्ने खालको मात्र आँखाले देख्नेबेलामा हुँदैन । कानले सुन्नेखालको विकासले हुँदैन । आँखाले देख्नेखालको विकास चाहिएको छ । त्यो विकासको लागि हामी छौं,’ उहाँले भन्नुभयो ।

उहाँले गठबन्धनका उम्मेदवारलाई विकासको धेरै लामो फेहरिस्त बोकेर नहिँड्न सुझाउनुभयो । उहाँले आममानिसलाई आवश्यक र गर्न सकिने कामको फेहरिस्त मात्र बनाउन आग्रह गर्नुभयो । नेता शर्माले अबको दुई दिन विकल्पको बाटोबाट मतदाता शिक्षामा जोड दिन आग्रह गर्नुभयो । उहाँले मतदातालाई राम्ररी बुझाउन नसके योपल्ट बदर मतको संख्या निकै बढ्ने अवस्था रहेको बताउनुभयो । ‘अब दलबलसहित चुनावी गतिविधि गर्न पाइँदैन । तर, यो दुई दिन विभिन्न विकल्पको बाटोबाट मतदातालाई कसरी भोट दिने भन्ने शिक्षा दिनेतर्फ लागौं । नत्र, योपल्ट धेरै मत बदर हुने अवस्था छ’ उहाँले भन्नुभयो । ekantipurबाट

सम्बन्धित समाचार

thumbnail

रघुगंगा गाउँपालिकामा लागु औषध दुरुपयोग तथा ओसार पसार विरुद्धको अन्तर्राष्ट्रिय दिवस मनाइयो

म्याग्दी। म्याग्दीको रघुगंगा गाउँपालिकामा लागु औषध दुरुपयोग तथा ओसार पसार विरुद्धको अन्तर्राष्ट्रिय दिवस विविध कार्यक्रम गरि मनाइएको छ । आइतवार रघुगंगा गाउँपालिका–३ स्थित रघुगंगा माध्यमिक विद्यालय र रघुगंगा गाउँपालिका–१,तिप्ल्याङ स्थित कालिका माध्यमिक…

thumbnail

रघुगंगा नदीमा आएको बाढीले स्काभेटर बगायो

म्याग्दी । म्याग्दीको रघुगंगा नदीमा आएको बाढीले स्काभेटर बगाएको छ । शनिवार राती रघुगंगा नदीमा आएको बाढीले राहुघाट जलविद्युत आयोजनाका ड्याम साइटमा काम गरेर नदी किनारमा पार्किङ्ग गरि राखेको ठाउँमा कटान गरेर…

thumbnail

आगामी निर्वाचनमा ३३ प्रतिशत महिला उम्मेदवार बनाउन भुसालको माग

काठमाडौँ । नेपाली काँग्रेसकी सांसद पुष्पा भुसालले आगामी संघ र प्रदेश सभाको निर्वाचनमा प्रत्येक्षतर्फ कम्तिमा ३३ प्रतिशत महिला उम्मेदवार बनाउन सरकारसँग माग गर्नुभएको छ। आईतबार प्रतिनिधिसभा बैठकको विशेष समयमा बोल्दै भुसालले प्रत्येक्ष…