बजेटले उत्पादन बढाउँदै आयात प्रतिस्थापन गर्ने स्पष्ट लक्ष्य लिएको छ : विनोद चौधरी

काठमाडौँ । नेपाली काँग्रेसका नेता तथा उद्यमी विनोद चौधरीले बजेटबाट सरकारले स्वदेशी उत्पादन बढाउन स्पष्ट योजना अघि सारेको बताउनुभएको छ । उहाँले बजेटमाथिको छलफलमा सम्बोधन गर्दै आयात प्रतिस्थापन गर्नेगरी उत्पादन बढाउन बजेटले स्पष्ट दिशा लिएको बताउनुभएको हो ।

‘नेपालमा उत्पादन हुने वस्तु छिमेकी मुलुकमा लग्नका लागि ८ प्रतिशत अनुदान दिने व्यवस्था आउनु स्वागतयोग्य विषय हो,’ चौधरीले भन्नुभयो, ‘नेपालको ३० प्रतिशत आयात घटाउने र स्वदेशमा उत्पादित कृषि उत्पादनलाई प्राथमिकता दिनेगरी आयातित वस्तुमा करका दर हेरफेर गरिएको छ ।’ यो नीति समेत उत्कृष्ट भएको चौधरीको भनाइ छ ।

यस्तै, १० करोड रुपैयाँसम्म विदेशी लगानी डिजिटल माध्यमबाट स्वीकृती दिने व्यवस्था समेत राम्रो भएको चौधरीले बताउनुभयो । उहाँले अब रोजगारी श्रृजनाको जिम्मेवारी प्रदेश सरकारलाई दिनुपर्ने माग राख्दै भन्नुभयो, ‘कोभिडको समयमा प्रदेश र स्थानीय सरकारलाई जिम्मेवारी नदिइएको भए राज्य महामारीसँग लड्नसँग सक्दैनथ्यो ।’

यसका साथै, पूर्वाधार क्षेत्रलाई बजेटले दिएको प्राथमिकता समेत स्वागतयोग्य रहेको चौधरीको भनाइ छ । ‘पूर्व–पश्चित राजमार्गलाई ३० अर्ब विनियोजन हुनु र ४ लेनको बनाउनु नेपालको लाइफलाइन हो,’ उहाँले भन्नुभयो, ‘पोखरा–भैरहवा विमानस्थल सुरू हुन लागेको स्थिती छ । नेपालले भारत र चीनबाट मात्रै वार्षिक ५० लाख पर्यटक ल्याउन सक्छ । बजेटले त्यही दृष्टिकोण लिएको छ ।’  रातोपाटीबाट

सम्बन्धित समाचार

thumbnail

म्याग्दीमा राष्ट्रिय धान दिवस तथा रोपाइँ मनाइयो (फोटो फिचर )

कृषि तथा खाद्यान्न उत्पादनलाई जोड दिनुपर्ने सरोकारवालाको भनाइ म्याग्दी । म्याग्दीमा पनि राष्ट्रिय धान दिवस मनाइएको छ । बेनी नगरपालिका कृषि शाखाको आयोजनामा १९औं राष्ट्रिय धान दिवस तथा रोपाइँ महोत्सव–२०७९ विविध कार्यक्रमको…

thumbnail

सरकारी जागिर खान शैक्षिक योग्यताको प्रमाणपत्र किर्ते गरेको आरोपमा एक पक्राउ

काठमाडौँ । शैक्षिक योग्यताको प्रमाणपत्र किर्ते गरेको आरोपमा प्रहरीले एक जनालाई पक्राउ गरेको छ। भूमि व्यवस्था, सहकारी तथा गरिबी निवारण मन्त्रालय अन्तर्गतको राष्ट्रिय सहकारी विकास बोर्डको सञ्चालक पदको नियुक्तिको लागि नक्कली प्रमाणपत्र…

thumbnail

देश विदेशका खर्चबाट अभियन्ता भेटिन्छन् तर प्रतिफल बाहिर आएको छैन : ओली

काठमाडौँ । नेकपा एमालेका अध्यक्ष केपी शर्मा ओलीले अभियन्ताहरु थुप्रै भए पनि प्रतिफल आउन नसकेको टिप्पणी गर्नुभएको छ । मदन भण्डारीको ७१ औं जन्मजयन्तीका अवसरमा आयोजित समारोहलाई सम्बोधन गर्दै ओलीले यस्तो धारणा…