बोलेर भन्दा काम गरेर देखाउँछु : श्रेष्ठ

काठमाडौँ । यही वैशाख ३० गते हुने स्थानीय तह निर्वाचनमा काठमाडौंमा रहेको टोखा नगरपालिकाको नेकपा माओवादी केन्द्रबाट मेयर पदका उम्मेदवार शेखर श्रेष्ठ यतिबेला घरदैलो अभियानमा व्यस्त हुनुहुन्छ ।

टोखा नगरमा निष्ठावान्, विकासप्रेमी, कम बोल्ने, काम धेरै गर्ने स्वच्छ छवि भएका उनी यति चुनावमा आफ्नो पक्षमा माहोल बनाउन जनताको घरदैलोमा भोट माग्दै हिडिरहनुभएको हो । टोखाका नगरको विकास र समृद्धिका लागि इमान्दार र निष्ठाको साथ काम गर्न प्रतिबद्ध रहेको उहाँले बताउनुभयो । जनताको सेवामा आफू सधै लाग्ने बताउँदै उनले आफूले वाचा गरेका कुरा पूरा गर्ने प्रतिबद्धता जनाउनुभयो ।

‘बोलेर होइन काम गरेर देखाउँछु’, उहाँले भन्नुभयो । विभिन्न सामाजिक संस्थाहरुको सफलतापूर्वक नेतृत्व गरिसकेका श्रेष्ठले आफुले काम गर्ने योजनाहरु सार्वजनिक गनुृभएको छ । उहाँ राजनीतिलाई सेवाको रुपमा लिनुहुन्छ र भन्नुहुन्छ, ‘म जनताको सेवाको लागि आएको हो, म जनताको सेवक हुँ ।’ उहाँले आफुले गर्ने कामलाई मुख्य रुपमा आठ कुरालाई उठाउनुभएको छ ।

समावेशिता र उत्कृष्टताको सिद्धान्तलाई लागु गर्ने, समृद्ध र सुन्दर टोखा नगर सांस्कृतिक तथा कृषि पर्यटन, प्रकृतिमैत्री उद्योग, फोहोरको दिगो व्यवस्थापन, नदीहरूको सफाई, वृक्षारोपण तथा हरियाली पार्कहरु निर्माण गर्ने, शान्ति र सुरक्षा नगरको आकांक्षा सुरक्षा निकायहरुलाई सशक्त बनाउँदै टोल सुधार समितिहरुलाई संस्थागत गरी शान्ति र सुरक्षाकी लागि स्थानिय तहबाट नै सुधारका कार्यक्रमहरु लागु गर्ने रहेका छन् ।

साथै सामुदायिक हितका कार्यक्रमहरुलाई प्राथमिकतामा राष्ट्रिय गौरवका कार्यक्रमहरु निर्माण गरी लागु गर्ने, सांस्कृतिक र मौलिक शहरको रुपमा परिचित गराउने सांस्कृतिक खोज तथा अनुसन्धान गरी विभिन्न माध्यमबाट यसको प्रचार प्रसार गर्ने, सांस्कृतिक पर्यटनको विकासलाई प्राथामिकतामा राखि काम गर्ने पनि उहाँले बताउनुभएको छ ।

त्यसका साथै सुशासनको प्रत्याभुति दिलाउने पनि उहाँले बताउनुभएको छ । त्यसैगरी सुचना हक स्थापित गराउने, सूचनाको हक नागरिकको मौलिक अधिकार भएकोले नगरका सबै गतिविधिमा सूचनाको पहुँच पु¥याउने, जेष्ठ नागरिक, युवा र बालबालिका तीन पुस्ताको खुशीको लागि प्रभावकारी कार्यक्रमहरु निर्माण गरी लागु गर्ने उहाँका प्राथमिकता रहेका छन् । टोखा नगरलाई इमान्दारिताका साथ नमुना नगर बनाउन आफू प्रतिबद्ध रहेका बताउनुभयो । रातोपाटीबाट

सम्बन्धित समाचार

thumbnail

सरकारी जागिर खान शैक्षिक योग्यताको प्रमाणपत्र किर्ते गरेको आरोपमा एक पक्राउ

काठमाडौँ । शैक्षिक योग्यताको प्रमाणपत्र किर्ते गरेको आरोपमा प्रहरीले एक जनालाई पक्राउ गरेको छ। भूमि व्यवस्था, सहकारी तथा गरिबी निवारण मन्त्रालय अन्तर्गतको राष्ट्रिय सहकारी विकास बोर्डको सञ्चालक पदको नियुक्तिको लागि नक्कली प्रमाणपत्र…

thumbnail

देश विदेशका खर्चबाट अभियन्ता भेटिन्छन् तर प्रतिफल बाहिर आएको छैन : ओली

काठमाडौँ । नेकपा एमालेका अध्यक्ष केपी शर्मा ओलीले अभियन्ताहरु थुप्रै भए पनि प्रतिफल आउन नसकेको टिप्पणी गर्नुभएको छ । मदन भण्डारीको ७१ औं जन्मजयन्तीका अवसरमा आयोजित समारोहलाई सम्बोधन गर्दै ओलीले यस्तो धारणा…

thumbnail

काठमाडौंको फोहोर दुई दिन बञ्चरेडाँडामा नलैजाने

काठमाडौँ । सिसडोलदेखि बञ्चरेडाँडासम्म जाने बाटो मर्मतको काम गर्नुपर्ने भएकाले आज र भोलि काठमाडौं उपत्यकाको फोहोर व्यवस्थापन कार्य प्रभावित हुने भएको छ। नुवाकोटको सिसडोलमा यसअघि थुपारिएको फोहोरको कारण बञ्चरेडाँडासम्म गाडी आउनरजानका लागि…