मतदानपछि ओलीले भने-देश मूलतः दुई दलीय प्रणालीतर्फ जाने देखियो

भक्तपुर । नेकपा एमाले अध्यक्ष केपी शर्मा ओलीले अब देश दुई दलीय प्रणालीतर्फ जाने देखिएको बताउनुभएको छ । भक्तपुरको सूर्यविनायक–२ स्थित महेन्द्र शान्ति माविबाट मतदान गरेपछि सञ्चारकर्मीसँग संक्षिप्त कुरा गर्दै ओलीले अब मुलुक दुई दलीय प्रणालीतर्फ अघि बढेको प्रतिक्रिया दिनुभयो। ‘एमाले एकातिर, गठबन्धन अर्कातिर। मूलतः देश दुई दलीय प्रणालीतिर जाने देखियो,’ उहाँले भन्नुभयो ।

उहाँले यो निर्वाचनमा अत्यन्तै अपेक्षित परिणाम आउने दाबी गर्नुभयो । ‘केही छिटपुट घटनाबाहेक देशभर जनताको असाधारण उत्साहका साथ मतदान भइरहेको छ,’ ओलीले भन्नुभयो, ‘यस निर्वाचनले अत्यन्तै अपेक्षित परिणाम ल्याउँछ भन्ने आशा गरेको छु। जनताको विजयलाई कसैले रोक्न सक्दैन।’ प्रधानमन्त्री शेरबहादुर देउवाले निर्वाचन रोक्न अन्तिमसम्म पनि प्रयास गरेको भन्दै त्यो उहाँको प्रयास असफल भएको बताउनुभयो ।‘देउवाजीले आज डडेल्धुरामा मतदान गर्नुभयो।

उहाँले अस्ती ९ वैशाखमा मात्रै चुनाव सारौँ भन्ने औपचारिक प्रस्ताव मसँग गर्नुभएको थियो। मैले कुनै पनि हालतमा निर्वाचन सार्ने प्रयास हुँदैन भनेपछि उहाँ पछि सर्नु भएको हो,’ ओलीले भन्नुभयो‘नभए उहाँहरूको मनासय चैतमा चुनाव गर्ने थियो।’देउवाले गरेको उक्त प्रस्तावबारे कसैसँग कुरा नगरेको भन्दै अहिले सार्वजनिक गरेको बताएउनुभयो।आगामी चैतमा चुनाव गर्ने गरी अहिलेको गठबन्धन नै लागिपरेको भन्दै एमालेको कारण चुनाव सार्न नसकेको बताएउनुभयो। setopati

सम्बन्धित समाचार

thumbnail

नगरपालिकाद्वारा विद्यालयलाई ल्यापटप वितरण

म्याग्दी । म्याग्दीको बेनी नगरपालिकाद्वारा आज (बिहीबार) नगरपालिकाअन्तर्गत विभिन्न वडामा सञ्चालनमा रहेका विद्यालयहरुलाई ल्यापटप वितरण भएको छ । नेपाल सरकारको चालु आर्थिक वर्षको वार्षिक स्वीकृत कार्यक्रमअनुसार नगरपालिकालाई प्राप्त सशर्ततर्फको कार्यक्रमबाट विद्यालयलाई ल्यापटप…

thumbnail

सिङ्गामा महिलाहरुको पाठेघर खस्ने रोगको स्क्रिनिङ सम्बन्धी भिआइए परीक्षण

निःशुल्क स्वास्थ्य शिविरबाट ग्रामीण भेगका सर्वसाधारणहरु लाभान्वित म्याग्दी ।म्याग्दीको बेनी नगरपालिकाको आयोजनामा हिँजो (बुधवार) बेनपा–४, सिङ्गामा निःशुल्क स्वास्थ्यसम्बन्धी शिविर सम्पन्न भएको छ । महिलामा पाठेघर खस्ने रोगको स्क्रिनिङ, रिङपेशरी तथा भिआइए जाँचसम्बन्धी…

thumbnail

तमानखोला गाउँपालिकाद्धारा बालगृह सञ्चालन

म्याग्दी। बागलुङको तमानखोला गाउँपालिकाले पालिका भित्र रहेका अनाथ, असहाय, अपाङ्गता भएका, अति गरिब बिपन्न बालबालिकाहरुको संरक्षणको लागि बालगृह सञ्चालनमा ल्याएको छ।उनीहरुलाई पालिकाले निशुल्क शिक्षा, स्वास्थ्य, खान, बस्न लगायतको व्यवस्था गरेको छ ।…