न्याय पाउन बच्चालाई दूध चुसाउँदै आमाले अनशन बस्नुपर्ने अवस्था आउनु लज्जास्पद : सांसद थापा

काठमाडौँ । नेकपा एमालेकी सांसद थममाया थापाले दुधे बालक काख च्यापेर अनशनरत निहारिका राजपुतको मुद्दामा तत्काल छानबिन गरी दोषीलाई कारबाही गर्न माग गर्नुभएको छ । प्रतिनिधिसभाको बुधबारको बैठकमा बोल्दै सांसद थापाले एउटी आमाले दूध चुसाउँदै आमरण अनशन बस्नुपर्ने कुरा आउनु नै लज्जास्पद भएको बताउनुभयो ।

‘राजधानी काठमाडौंको सडकमा एउटा नेपाली चेली काखमा दुधे बालक बोकेर न्यायको माग गर्दै आमरण अनशन बसेकी छिन् । दुधे बालकलाई दूध चुसाउँदै आमरण अनशन बस्नुपर्ने कुरा लज्जास्पद हो,’ उहाँले भन्नुभयो, ‘राज्यका हरेकजसो निकायमा पुगेर पनि उनले न्याय पाउन सकेकी छैनन् । उनलाई अदालतले समेत न्याय दिन सकेको छैन । र, अहिले पाँच बुँदे माग राखेर उनी अनशनमा छिन् । उनको माग सम्बोधन गरियोस् ।’

उनले दिनानुदिन महिला हिंसाको दर बढिरहेको भन्दै नेपाली चेलीहरूमाथिको हिंसा न्यूनीकरण गर्न सरकार पूरै असफल भएको बताउनुभएको छ । ‘हाम्रो समाजमा हजारौँ महिलाहरू यस्तै समस्याबाट गुज्रिरहेका छन् । भ्रुण हत्या गर्ने, औषधि सेवन गर्ने र आफ्नै ज्यान जोखिममा पार्ने बाध्यात्मक अवस्थामा छन् । आज छ दिन भइसकेको छ, उनको स्वास्थ्य अवस्था राम्रो छैन । सरकार अत्यन्तै गैरजिम्मेवारीपूर्ण अवस्थामा बसेको छ, यसको छानबिन होस्, सत्यतथ्य पत्ता लगाइयोस् र दोषीलाई कारबाही गरियोस्,’ उहाँले भन्नुभयो । ekantipurबाट

सम्बन्धित समाचार

thumbnail

सरकारी जागिर खान शैक्षिक योग्यताको प्रमाणपत्र किर्ते गरेको आरोपमा एक पक्राउ

काठमाडौँ । शैक्षिक योग्यताको प्रमाणपत्र किर्ते गरेको आरोपमा प्रहरीले एक जनालाई पक्राउ गरेको छ। भूमि व्यवस्था, सहकारी तथा गरिबी निवारण मन्त्रालय अन्तर्गतको राष्ट्रिय सहकारी विकास बोर्डको सञ्चालक पदको नियुक्तिको लागि नक्कली प्रमाणपत्र…

thumbnail

देश विदेशका खर्चबाट अभियन्ता भेटिन्छन् तर प्रतिफल बाहिर आएको छैन : ओली

काठमाडौँ । नेकपा एमालेका अध्यक्ष केपी शर्मा ओलीले अभियन्ताहरु थुप्रै भए पनि प्रतिफल आउन नसकेको टिप्पणी गर्नुभएको छ । मदन भण्डारीको ७१ औं जन्मजयन्तीका अवसरमा आयोजित समारोहलाई सम्बोधन गर्दै ओलीले यस्तो धारणा…

thumbnail

काठमाडौंको फोहोर दुई दिन बञ्चरेडाँडामा नलैजाने

काठमाडौँ । सिसडोलदेखि बञ्चरेडाँडासम्म जाने बाटो मर्मतको काम गर्नुपर्ने भएकाले आज र भोलि काठमाडौं उपत्यकाको फोहोर व्यवस्थापन कार्य प्रभावित हुने भएको छ। नुवाकोटको सिसडोलमा यसअघि थुपारिएको फोहोरको कारण बञ्चरेडाँडासम्म गाडी आउनरजानका लागि…