बजेट बनाउँदा नै व्यापारीका प्रतिनिधि राखेर कमिसन खाने काम भयो : ओली

काठमाडौं । नेकपा एमालेका अध्यक्ष केपी शर्मा ओलीले यसपालिको बजेट निर्माण गर्दा अनधिकृत व्यक्ति राखिएको बताउनुभएको छ । व्यापारीका प्रतिनिधि राखेर बजेट बनाउनुअघि नै कमिसन खाने काम भएकोसमेत ओलीले आरोप लगाउनुभएको छ ।

‘यहाँ त बजेट बनाउँदै गर्दा नै व्यापारिका प्रतिनिधि राखेर बजेट बनाइन्छ। बनाउनुअघि कमिसन खाएर बजेट बनाइन्छ भने के हालत भयो देशकोरु,’ पार्टीबाट उम्मेदवार भई निर्वाचित जनप्रतिनिधिलाई आज काठमाडौंमा प्रशिक्षण दिने कार्यक्रम उद्घाटन गर्दै अध्यक्ष ओलीले भन्नुभयो।

अर्थमन्त्री, अर्थसचिव, राजश्व सचिवलगायतले बजेट निर्माण गर्ने भए पनि अनधिकृत मानिसहरूले यसपालि बजेट बनाएको उहाँको भनाइ थियो।‘अनधिकृत मानिसलाई ल्याएर, सेटिङ गरेर करका दर तोकियो,’ उहाँले भन्नुभयो, ‘कमिसन खाएर करका दर तोकिन्यो, यस्तो त कुनै राज्यमा हुन्न। कुनै प्रणालीमा कल्पना गर्न सकिन्न। पञ्चायतकालमा पनि यस्तो हुँदैनथ्यो।’

अर्थमन्त्री जनार्दन शर्माले मन्त्रालयभन्दा बाहिरका मानिस ल्याएर करका दर हेरफेर गरेका खबरहरू प्रकाशित भएका थिए। यसबारे संसदमा बोल्दै शर्माले अनधिकृत मानिसले बजेट नबनाएको बतानुभएको थियो । यसैबीच एमाले अध्यक्ष ओलीले स्थानीय चुनावमा घेराबन्दीका बीचमा पनि एमालेका उम्मेदवारहरू निर्वाचित भएको भन्दै बधाई दिनुभएको थियो । सेतोपाटीबाट

सम्बन्धित समाचार

thumbnail

धवलागिरी गाउँपालिकाको ४० करोड ४९ लाख ४९ हजार रुपैयाँ बजेट पारित

म्याग्दी । म्याग्दीको धवलागिरी गाउँपालिकामा कुल  ४० करोड ४९ लाख ४९ हजार रुपैयाँको बजेट पारित भएको छ । गाउँपालिकाको केन्द्र मुनामा सम्पन्न १६ औँ गाउँ सभामा अध्यक्ष प्रेमप्रसाद पुनले प्रस्तुत गर्नुभएको आगामी…

thumbnail

रघुगंगा गाउँपालिकाको ४६ करोड ८६ लाख २५ हजार रुपैयाँ बजेट पारित

बेनी । म्याग्दीको रघुगंगा गाउँपालिकाले आगामी आर्थिक वर्ष २०७९र८० का लागि रु ४६ करोड ८६ लाख २५ हजार बराबरको बजेट पारित गरेको छ । शुक्रवार सम्पन्न १३ औँ गाउँ सभामा गाउँपालिका अध्यक्ष…

thumbnail

मंगला गाउँपालिकाको १३ औँ गाउँसभा : ४२ करोड ३४ लाखको बजेट पारित

म्याग्दी । म्याग्दीको मंगला गाउँपालिकाले आर्थिक बर्ष २०७९÷०८० का लागि ४२ करोड ३४ लाखको बजेट ल्याएको छ । शुक्रबार गाउँपालिकाको केन्द्र बाबियाचौरमा आयोजित १३ औँ गाउँ सभामा गाउँपालिकाका उपाध्यक्ष प्रेम कुमारी खत्रीले…