बेनी । शहिद गंगालाल राष्ट्रिय हृदयरोग उपचार केन्द्रका निर्देशक मुटुरोग विशेषज्ञ डा. रवी मल्ललाई बेनीमा सम्मान गरिएको छ ।
म्याग्दीको रघुगङ्गा गाउँपालिका–३, पिप्लेमा जन्मिएका मल्ललाई स्वास्थ्य क्षेत्रमा पु¥याएको योगदानको कदर गर्दै म्याग्दी उद्योग वाणिज्य संघले सम्मान गरेको हो । बेनी नगरपालिका–८, का वडा अध्यक्ष उत्तम कर्माचार्य र म्याग्दी उद्योग वाणिज्य संघका अध्यक्ष सुविन श्रेष्ठले कालीपुल सूचना केन्द्रमा आयोजित कार्यक्रममा मल्ललाई दोसल्लो ओढाउनुका साथै प्रशंसापत्र प्रदान गरेर सम्मान गर्नुभएको थियो ।
गत पुष २८ देखि माघ ८ गतेसम्म बेनीमा सञ्चालन भएको आठौ म्याग्दी महोत्सवको अवसरमा मल्ललाई सम्मान गर्ने निर्णय भएको थियो । महोत्सवमा उपस्थित हुन नपाउनुभएका मल्ललाई बेनीमा मुटु रोग परिक्षण तथा उपचार शिविर सञ्चालनका लागि आएको अवसरमा सम्मान गरिएको हो ।आफुलाई सम्मान गरेकोमा डा. मल्लले उद्योग वाणिज्य संघ परिवार लगायत म्याग्दीबासीलाई धन्यवाद व्यक्त गर्नुभयो।
भिडिओ हेर्नुहोस्…
