थप १०२५८ जनामा कोरोना संक्रमण, १ को मृत्यु

काठमाडौँ । पछिल्लो २४ घण्टामा नेपालमा १० हजार २ सय ५८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार २२ हजार ८ सय २८ जनाको नमूना परीक्षण गर्दा उक्त संख्यामा संक्रमित फेला परेका हुन् । यस्तै कोरोना संक्रमणका कारण पछिल्लो २४ घण्टामा १ जनाको मृत्यु भएको छ ।

यस्तै पछिल्लो २४ घण्टामा ५ सय ६२ जना निको भएका छन् । नेपालमा हाल सक्रिय संक्रमितको संख्या ३९ हजार ४४ रहेको छ । कोरोनाका कारण नेपालमा मृत्यु हुनेको संख्या ११ हजार ६ सय २४ पुगेको छ ।