मालिका गाउँपालिकाको सबै वडामा मेलमिलाप केन्द्र स्थापनाको तयारी

दरवाङ ,शनिबार जेठ ११ गते । म्याग्दीको मालिका गाउँपालिकाको सबै वडामा मेलमिलाप केन्द्र स्थापनाको तयारी भएको छ ।
वडा स्तरमा हुने बिवाद निरुपण र मेलमिलाप कायम गर्न सहजिकरणका लागि ७ वटै वडामा केन्द्र स्थापना गर्न लागिएको गाउँपालिकाले जनाएको छ ।


वडा कार्यालय अन्तरगत केन्द्र स्थापना गर्न कार्यालय व्यवस्थापनका लागि आवश्यक सामग्री जुटाइएको र मेलमिलापकर्ताहरुलाई पुनताजकि तालिम सञ्चालन गरिएको गाउँपालिकाका उपाध्यक्ष खरमाया बिटालुले बताउनुभयो ।


मेलमिलाप केन्द्र स्थापना भएपछि बस्ती स्तरमै विवाद निरुपण हुने र न्यायिक समिति, अर्धन्यायिक निकायमा मुद्दाको चाप कम हुने जनाइएको छ ।
बिहीबार देखि सुरु भएको ५ दिनसम्म सञ्चालन हुने तालिममा ४५ जना मेलमिलापकर्ताहरुको सहभागिता रहेको छ ।


तालिमको उच्च अदालत पोखराको बागलुङ इजलासका न्यायाधिश प्रकाश शिवाकोटी, जिल्ला अदालत म्याग्दीका न्यायाधिश राजकुमार कोइराला लगायतले सहजिकरण गर्नुहुने जनाइएको छ ।

सम्बन्धित समाचार

thumbnail

मालिका गाउँपालिकाको बजेट ४८ करोड १८ लाख ३६ हजार रुपैयाँ (तस्बिरहरु)

बेनी । म्याग्दीको मालिका गाउँपालिकाले आगमी आर्थिक बर्ष २०७९÷८० को निति तथा कार्यक्रम र बजेट पारित गरेको छ । शुक्रबार वडा नम्बर ६ स्थित छ्यारछ्यारेमा सम्पन्न गाउँपालिकाको दोस्रो गाउँसभामा गाउँपालिका अध्यक्ष बेगप्रसाद…

thumbnail

एक लाख ८६ हजार रुपैयाँ बढीको फर्निचर सामग्री सहयोग

बेनी । म्याग्दीको मालिका गाउँपालिका–१,निस्कोट स्थित दुध पराई (मुखिया)पुन सेवा समाजलाई अमेरीकाबाट एक लाख ८६ हजार ७६७ रुपैयाँ सहयोग प्राप्त भएको छ । अमेरीकामा रहनुभएका मिलन पुन ,प्रेम पुन ,उत्तम पुन र…

thumbnail

जनप्रतिनिधिबिचको विवादले मालिका गाउँपालिकाको पहिलो र विशेष गाउँसभा स्थगित

बेनी । म्याग्दीको मालिका गाउँपालिकामा नवनिर्वाचित जनप्रतिनिधीहरुबीच पहिलो गाउँसभामै बिवाद भएको छ । दरवाङ स्थित छ्यारछ्यारेमा बुधबार आयोजित विशेष गाउँसभा एमाले र अन्य दलबाट निर्वाचित जनप्रतिनिधीहरुको बिवादका कारण स्थगित भएको छ ।…