म्याग्दी उद्दार समिति बहराइन मोनामा रुपान्तरण,अध्यक्षमा राम्जाली

बेनी ,मंगलबार साउन २८ गते । बहराइनमा रहेका म्याग्देलीहरु आवद्ध म्याग्दी उद्दार समितिलाई सोमबार सम्पन्न ११ औ महाधिवेशनबाट म्याग्दी प्रवासी नेपाली संघ ९मोना० बहराइनमा रुपान्तरण गरिएको छ ।


सन २००२ मा स्थापना भएर बहराइनमा रहेका म्याग्देली र आफ्नो जन्मथलोको आपत, विपत्, शिक्षा, स्वास्थ्य, पूर्वाधार, सामाजिक क्षेत्रमा क्रियाशिल म्याग्दी उद्दार समितिलाई अधिवेशनबाट मोनाको राष्ट्रिय कार्यसमिति बनाइएको हो । मोनाको अवधारणा सुरु हुनुअघि बहराइनमा समिति गठन भएको थियो ।

अधिवेशनबाट लोक राम्जालीको अध्यक्षतामा मोना बहराइनको कार्यसमिति गठन भएको छ । समितिको प्रथम उपाध्यक्षमा कुमार तिलिजा, दृतीय उपाध्यक्षमा विकास पाइजा, तृतीय उपाध्यक्षमा भक्त सिन्किजा पुन, महिला उपाध्यक्षमा बिष्णु रकाल, महासचिवमा दिनेश बस्नेत, कोषाध्यक्षमा अमन पाइजा, सचिवमा सुरेश गर्बुजा, सहसचिवमा ज्ञानबहादुर पुन, सहकोषाध्यक्षमा नविन पुर्जा चयन हुनुभएको छ ।

रमेश केसी सांस्कृतिक सचिव, आनन्द बानिया व्यवस्थापन सचिव, अर्जुन बराइली खेलकुद सचिव, बलबहादुर राई अक्षयकोष संयोजक, निगम शेरचन जनसम्पर्क सचिव, नरदेवी पुन महिला संयोजक, मनदेवी पुन महिला सहसंयोजक, सदस्यहरुमा लालबहादुर भण्डारी, बालकुमार गर्बुजा, मोहन बानिया, जमानसिङ शाही, हेमबहादुर केसी, पानमती विश्वकर्मा, टिका केसी र रमेश भण्डारी रहनुभएको छ ।

बहराइनको मानमा स्थित ओरेण्टल प्यालेस होटलको सभाहलमा लोक राम्जालीको अध्यक्षता, नेपाली राजदुतावास बहराइनका राजदुत पदम सुन्दासको प्रमुख आतिथ्यतामा सम्पन्न कार्यक्रममा मोनाका अध्यक्ष चक्र थापा, मोना अन्तर्राष्ट्रिय कार्यसमिति उपाध्यक्ष ओमनारायण जुग्जाली ,मध्यपुर्वका संयोजक ई नन्दबहादुर गर्बुजा , संस्थापक प्रकाश पुन र बहराइनमा रहेका विभिन्न संघ संस्थाका प्रतिनिधिहिरुको उपस्थिती थियो ।

कार्यक्रममा सहभागीहरुले बहराइनमा रहेका म्याग्देलीहरुले आफ्नो जन्मथलोको विकास, शिक्षा, स्वास्थ्य र सामाजिक गतिबिधिमा महत्वपूर्ण योगदान गरेको बताएका थिए । मोनाका अध्यक्ष चक्र थापाले आगामी असोजमा घोडेपानीमा हुने तेस्रो अधिवेशनको पूर्व सन्ध्यामा विभिन्न देशमा राष्ट्रिय कार्यसमितिको साधारणसभा र अधिवेशन भइरहेको बताउनुभयो ।

सम्बन्धित समाचार

thumbnail

विश्वकपका १८ लाख टिकट बिक्री

दोहा । कतारमा नोभेम्बरमा आयोजना हुन लागेको विश्वकप फुटबल प्रतियोगिताका लागि आयोजक फिफाले १८ लाख टिकट बिक्री भएको र थप टिकट बिक्री जुलाई ५ बाट खोलिने बताएको छ। विश्वकपका लागि फिफाले आयोजक…

thumbnail

वार्ताबाट युक्रेन युद्ध टुङ्ग्याउन प्रधानमन्त्री मोदीको सुझाव

एजेन्सी । भारतका प्रधानमन्त्री नरेन्द्र मोदीले आर्थिकरूपमा सम्पन्न देशहरूको समूह (जी सेभेन) को बैठकमा युक्रेन द्वन्द्व वार्ता र कूटनीतिक माध्यमबाट खाज्नुपर्नेमा जोड दिनुभउको छ । ‘प्रधानमन्त्री मोदीले युक्रेन युद्धबारे भारतको अडान स्पष्ट…

thumbnail

राजधानी टोकियो आसपासमा वत्ती निभाउन जापान सरकारको आग्रह

काठमाडौं । जापान सरकारले राजधानी टोकियोसहित आसपासका बासिन्दालाई कम वत्ती बाल्न आग्रह गरेको छ । गर्मीका कारण माग बढेकाले आपूर्तिमा समस्या आउने भन्दै आर्थिक, व्यापार तथा उद्योग मन्त्रालयले अनावश्यक वत्तीहरु निभाउन आग्रह…