भकिम्लीमा एनसेलको टावर मर्मत गरेर फर्किएको गाडीमा अज्ञात समूहद्वारा आगजनी

म्याग्दी, विहिबार कात्तिक ९ गते । म्याग्दीको बेनी नगरपालिका–३, भकिम्लीस्थित मुसुङडोलेमा रोकिराखेको गाडीमा गएराती अज्ञात समूहद्वारा आगजनी भएको छ । बिहीबार मुसुङडोलेमा रहेको एनसेलको टावर मर्मत गरेर फर्किएको बा १३ च ८४३४ नम्बरको बोलेरो जीपमा राती करिब २ बजेतिर आगजनी भएको जिल्ला प्रहरी कार्यालय म्याग्दीले जनाएको छ ।

एनसेल टावर मर्मतको काम सकेर स्थानीयको घरमा मर्मत टोली बास बसेको र नजिकै सडकमा रोकिराखेको अवस्थामा उक्त गाडीमा आगजनी भएको म्याग्दीका प्रहरी नायव उपरीक्षक महेन्द्रप्रसाद मरासिनीले जानकारी दिनुभयो । आगजनी भएको खबर आएलगत्तै कार्यालयबाट प्रहरी निरीक्षक ध्रुवप्रसाद शर्माको नेतृत्वमा ११ जनाको टोली घटनास्थलमा परिचालन गरिएको उहाँले बताउनुभयो । अहिले मुचुल्का उठाउने काम भैरहेको र घटनाको विषयमा स्थानीयसँग सोधपुछको गरी अज्ञात समूहको खोजीकार्य सुरु गरिएको प्रहरीको भनाइ छ ।

आगलागीबाट भाडामा लगिएको उक्त बोलेरो जीप जलेर पूर्णरुपमा ध्वस्त भएको प्रनाउ मरासिनीले बताउनुभयो । मध्यरातमा गाडीमा आगजनी भएको हुँदा कसले गरेको हो भन्ने खुल्न सकेको छैन । एनसेलको टोलीले धौलागिरी क्षेत्रको पर्वत र बागलुङमा एनसेलको टावर मर्मत गरी म्याग्दीमा आएको थियो । टावरको मर्मत कार्य भने सकिएको छ ।

सम्बन्धित समाचार

thumbnail

पहिरोमा परी ३ जनाको मृत्यु

पाँचथर । पाँचथरको फालेलुङ गाउँपालिका–७ बिदीनमा पहिरोले घर पुरिँदा ३ जनाको मृत्यु भएको छ भने १ जनालाई प्रहरीले सकुशल उद्दार गरेको छ । शुक्रबार राती बर्षातको कारण गएको पहिरोले स्थानीय रुपलाल मगरको…

thumbnail

च्याउ खाँदा बुटवलमा १९ जना बिरामी

बुटवल । जंगलबाट ल्याएको च्याउ खाँदा बुटवलमा १९ जना बिरामी भएका छन् । उनीहरू सबै बुटवल उपमहानगरपालिका वडा नम्बर १२ नयाँ गाउँका हुन् । बिरामी हुनेहरू मध्ये ६ जनाको अवस्था गम्भीर रहेको…

thumbnail

इनार सफा गर्ने क्रममा डुबेर सुर्खेतमा एक जनाको मृत्यु

सुर्खेत । इनारमा डुबेर सुर्खेतमा एक जनाको मृत्यु भएको छ। जिल्लाको भेरीगंगा नगरपालिका–१० तोलीखोलामा इनार सफा गर्न गएको एक जनाको डुबेर मृत्यु भएको जिल्ला प्रहरी कार्यालय सुर्खेतले जनाएको छ। प्रहरीका अनुसार भेरीगंगा…