काठमाडौं । कोरोना भाइरसको संक्रमणले अवस्था गम्भीर भएपछि चर्चित कलाकार मनोज गजुरेललाई आइसियूमा सारिएको छ । अवस्था गम्भीर भएपछि गजुरेललाई सशस्त्र प्रहरीको अस्पताल बलम्बुको आइसियूमा भर्ना गरिएको छ ।
अस्पतालका अनुसार हिजोदेखि उनको आइसियूमा उपचार भइरहेको हो । गजुरेलमा कात्तिक १० गते कोरोना पुष्टि भएको थियो । घरमै आइसोलेसनमा बसेका उनी बुधबार अस्पताल पुगेका थिए । तर,हिजोदेखि अवस्था थप गम्भीर भएपछि आइसियूमै राख्न परेको उनका साथी टंकराज आचार्यले बताए ।
आफ्ना दाजुलाई अस्पताल ल्याउने लैजाने गर्दा आफूमा कोरोना संक्रमण भएको अनुमान गजुरेलले गरेका थिए । लक्षणसहितको कोरोना संक्रमण भएपनि उनी केहीदिन घरमै आइसोलेसनमा थिए । नागरिक खबरबाट साभार
