काठमाडौं । पछिल्लो २४ घण्टामा थप १ हजार २ सय ५५ जनामा कारोना भाइरस संक्रमण पुष्टि भएको छ । यससँगै देशभर कुल संक्रमितको संख्या २ लाख ३१ हजार ९ सय ७८ पुगेको छ ।
यस्तै पछिल्लो २४ घण्टामा थप १ हजार ४ सय ४ जना कोरोना संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको छ । यससँगै देशभर कोरोना संक्रमणबाट निको हुनेको संख्या २ लाख १२ हजार ५ सय ९० पुगेको छ भने सक्रिय संक्रमितको संख्या १७ हजार ९ सय ९ जना रहेको छ ।
पछिल्लो २४ घण्टामा थप २५ जनाको मृत्यु भएको छ भने देशभर कोरोनाबाट मृत्यु हुनेको संख्या १ हजार ४ सय ७९ पुगेको छ । क्वारेन्टाइनमा रहनेको संख्या ६ सय ३२ रहेको छ ।
