काठमाडौं । पछिल्लो २४ घण्टामा थप १ हजार २ सय १७ जनामा कारोना भाइरस संक्रमण पुष्टि भएको छ । यससँगै देशभर कुल संक्रमितको संख्या २ लाख ४५ हजार ६ सय ५० पुगेको छ ।
यस्तै पछिल्लो २४ घण्टामा थप १ हजार ६४ जना कोरोना संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको छ । यससँगै देशभर कोरोना संक्रमणबाट निको हुनेको संख्या २ लाख ३१ हजार ६ सय १ पुगेको छ भने हाल देशभर १२ हजार ३८६ जना सक्रिय संक्रमित रहेका छन् ।
नेपालमा कोरोनाभाइरस निको हुने दर ९४.२ प्रतिशत रहेको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा थप १२ जनाको मृत्यु भएको छ भने देशभर कोरोनाबाट मृत्यु हुनेको संख्या १ हजार ६ सय ६३ पुगेको छ ।
