विराटनगर । विराटनगरमा मोटरसाइकलको ठक्करबाट एक वृद्धाको मृत्यु भएको छ। मोरङ विराटनगर-१५ मा सोमबार बेलुका मोटरसाइकलको ठक्करबाट सोही स्थानकी ६५ वर्षीया विखियादेवी साहको मृत्यु भएको छ।
प्रहरीका अनुसार सोमबार बेलुका ७ बजे मे७प ६३३२ नम्बरको मोटरसाइकलले पैदल हिँडिरहेकी साहलाई ठक्कर दिँदा उनी गम्भीर घाइते भएकी थिइन्।
गम्भीर घाइते भएकी उनको न्युरो अस्पताल विराटनगरमा उपचारको क्रममा राति १० बजे मृत्यु भएको जिल्ला प्रहरी कार्यालय मोरङले जनाएको छ। ठक्कर दिने मोटरसाइकल र चालक रतुवामाई-७ का विक्रम साहलाई प्रहरीले नियन्त्रणमा लिएको छ। सेतोपाटीबाट साभार
