ललितपुर । ललितपुरको धोबीघाटमा मोटरसाइकलले ठक्कर दिँदा पैदयात्री एक युवकको मृत्यु भएको छ ।
मृत्यु हुनेका काभ्रे घर भइ धोबीघाट बस्ने २७ वर्षीय गोपीकृष्ण खनाल रहेको प्रहरीले जनाएको छ । खनाललाई बा०२–०२०प२घ६१ नम्बरको मोटरसाइकलले मंगलबार साँझ साढे ६ बजे ठक्कर दिएको थियो ।
ठक्करबाट गम्भीर घाइते भएका खनालको स्टार अस्पताल सानेपामा उपचारको क्रममा गएराति साढे १० बजे मृत्यु भएको प्रहरीले जनाएको छ ।मोटरसाइकल चालकलाई प्रहरी प्रभाग सानेपाले नियन्त्रणमा लिएको छ । नागरिक खबरबाट साभार
