काठमाडौं । पछिल्लो २४ घण्टामा देशभर ७ हजार ३ सय ६८ जनामा कोरोना संक्रमण पुष्टि भएको छ । संक्रमित हुनेको कुल संख्या ४ लाख ४७ हजार ७ सय ४ पुगेको छ । मन्त्रालयका अनुसार पीसीआर विधिबाट ७ हजार ३१६ र एन्टिजेन विधिबाट ५२ जना गरी जम्मा ७ हजार ३६८जनामा कोरोना संक्रमण पुष्टि भएको हो ।
स्वास्थ्य तथा जनसंख्या मन्त्रालयका अनुसार देशभर महामारीको रुपमा फैलिएको कोरोनाभाइरसको सक्रिय संक्रमितको संख्या १ लाख १० हजार १ सय ६३ रहेको छ । पछिल्लो २४ घण्टामा कोरोनाभाइरसबाट १४५ जनाले ज्यान गुमाएका छन् । यो संगै कारोनाबाट ज्यान गुमाउनेको संख्या ५ हजार १ पुगेको छ ।
यस्तै पछिल्लो २४ घण्टामा ६ हजार ६ सय ४८ जनाले कोरोना जितेका छन् । स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार निको हुने दर ७४.६ प्रतिशत रहेको छ । देशभर १३१३ जना आइसियूमा रहेका छन् भने त्यसमध्ये ३८० जना भेन्टिलेटरमा उपचाररत छन्।
