रुपन्देही । लुम्बिनी प्रदेशसभा बैठक स्थगित भएको छ । बिहीबार दिउँसो १ बजे बस्ने तय भएको बैठक भदौ ७ गते सम्मका लागि स्थगित भएको हो । प्रदेशसभा नियमावली, २०७४ को नियम ६ को उपनियम (३) बमोजिम सभामुखको निर्देशनअनुसार भदौ ७ गते दिउँसो १ बजे बस्ने गरी बैठक स्थगित भएको प्रदेशसभा सचिवालयका सचिव दुर्लभकुमार पुन मगरले जारी गर्नुभएको सूचनामा उल्लेख छ ।
यसअघि नवौं अधिवेशनको पहिलो र दोश्रो दिन विपक्षी दल एमालेका सांसदहरुले लगातार अवरोध गरेका थिए । आज बस्ने भनिएको तेस्रो बैठक विशेष कारणबस स्थगित भएको सूचनामा उल्लेख छ । यसअघि प्रमुख विपक्षी दल एमालेले प्रदेश सांसद अजय शाही र विमला वलीलाई पदमुक्त नगरेको भन्दै बैठक अवरुद्ध गर्दै आएको थियो । रातोपाटीबाट
