तनहुँ । चितुवाको आक्रमणमा परी ९ वर्षीय बालिकाको ज्यान गएको छ । तनहुँको बन्दिपुर गाउँपालिका–५ बाहुन भञ्ज्याङमा सोमबार साँझ करिब ६ः१५ बजेको समयमा चितुवाले आक्रमण गर्दा ९ वर्षीया बालिका स्वीकृति थापा मगरको मृत्यु भएको गाउँपालिकाका अध्यक्ष पूर्णसिंह थापाले जानकारी गराए ।
साँझको समयमा एक्लै छिमेकीको घरमा मासु लिन जाँदै गरेकी बालिकालाई अचानक चितुवाले आक्रमण गरी सडकदेखि तलको जंगलमा लगेको थियो । चितुवाले सो जंगलमा बालिकाको रगत चुसी छाडेको अवस्थामा शव भेटिएको थियो । गाउँपालिकामा यस अगाडि चितुवाको आक्रमणमा परि एक जनाको मृत्यु भैसकेको छ भने दुइ जना घाइते भएका छन् । नागरिक खबरबाट
