सूर्यनारायण पुरस्कार संस्थाबाट बेनीका दुईजना सम्मानित (तस्बिरसहित)

बेनी । श्री सूर्यनारायण पुरस्कार संस्था बेनीबजार, म्याग्दीको आयोजनामा हिजो (शनिवार) सदरमुकाम बेनीमा घोषणा एवं समर्पण कार्यक्रम सम्पन्न भएको छ । सूर्यनारायण पुरस्कार संस्थाको १६औं श्रृङ्खला–२०७६ र १७औं श्रृङ्खला–२०७८ बाट बेनीका दुई जनालाई सम्मान गरिएको हो ।

बेनीका कलाकारद्वय तुलप्रसाद श्रेष्ठ र प्रकाशकुमार श्रेष्ठलाई श्री सूर्यनारायण पुरस्कार प्रदान गरिएको संस्थाले जनाएको छ । उहाँहरुलाई जनही २० हजार रुपैयाँसहित सम्मानपत्रले सम्मान गरिएको थियो । बेनीका स्वर्गीय सूर्यनारायण श्रेष्ठको स्मृतिमा उहाँका परिवारद्वारा स्थापित संस्था सूर्यनारायण पुरस्कार संस्थाले कला, संस्कृति र साहित्यमा पु¥याएको योगदानको कदरस्वरुप पुरस्कृत गरिएको जनाएको छ ।

संस्थाले हरेक दुईदुई वर्षमा नेपाली लोक, संस्कृति, कला र साहित्यको क्षेत्रमा योगदान पु¥याएका व्यक्तिहरुलाई पुरस्कार दिँदै आएको छ । कार्यक्रमको उद्घाटन तथा पुरस्कार प्रदान गर्दै बेनी नगरपालिकाका प्रमुख सुरत केसीले स्व. सूर्यनारायण श्रेष्ठले कला, संस्कृतिसँगै समाज रुपमान्तरणमा खेलेको भूमिकाको विषयमा चर्चा गर्नुभएको थियो । कार्यक्रममा सम्मानित व्यक्तित्वद्वय श्रेष्ठले लोकभजन प्रस्तुत गर्नुभएको थियो भने कलाकार सञ्जयकुमार श्रेष्ठको टोलीले स्वं सूर्यनारायणको जीवनबारे गीत प्रस्तुत गरेको थियो ।

संस्थाले २०४९ सालदेखि हालसम्म विभिन्न १७ जना व्यक्तित्वहरुलाई सम्मान गरिसकेको जानकारी दिएको छ । सोही अवसरमा सूर्यनारायण पुरस्कार संस्थाद्वारा प्रकाशित गंगा नामक संस्थाको बुलेटिन विमोचन गरिएको थियो । कार्यक्रममा पुरस्कार छनोट समितिका संयोजक एवं नेपाल भाषा मंकाः खल म्याग्दीका अध्यक्ष कृष्णप्रसाद श्रेष्ठ र साहित्यकार ध्रुवलाल शर्माले मन्तव्य व्यक्त गर्नुभएको थियो ।

कार्यक्रम श्री सूर्यनारायण पुरस्कार संस्थाका अध्यक्ष सुवर्णकुमार श्रेष्ठको अध्यक्षता, संस्थापक अध्यक्ष सुदर्शनकुमार श्रेष्ठको स्वागत र सचिव अजयमिलन श्रेष्ठको सञ्चालनमा सम्पन्न भएको थियो । कार्यक्रममा विभिन्न संघसंस्थाका प्रतिनिधि र व्यक्तिहरुको उपस्थिति रहेको थियो ।

 

सम्बन्धित समाचार

thumbnail

सरकारी जागिर खान शैक्षिक योग्यताको प्रमाणपत्र किर्ते गरेको आरोपमा एक पक्राउ

काठमाडौँ । शैक्षिक योग्यताको प्रमाणपत्र किर्ते गरेको आरोपमा प्रहरीले एक जनालाई पक्राउ गरेको छ। भूमि व्यवस्था, सहकारी तथा गरिबी निवारण मन्त्रालय अन्तर्गतको राष्ट्रिय सहकारी विकास बोर्डको सञ्चालक पदको नियुक्तिको लागि नक्कली प्रमाणपत्र…

thumbnail

देश विदेशका खर्चबाट अभियन्ता भेटिन्छन् तर प्रतिफल बाहिर आएको छैन : ओली

काठमाडौँ । नेकपा एमालेका अध्यक्ष केपी शर्मा ओलीले अभियन्ताहरु थुप्रै भए पनि प्रतिफल आउन नसकेको टिप्पणी गर्नुभएको छ । मदन भण्डारीको ७१ औं जन्मजयन्तीका अवसरमा आयोजित समारोहलाई सम्बोधन गर्दै ओलीले यस्तो धारणा…

thumbnail

काठमाडौंको फोहोर दुई दिन बञ्चरेडाँडामा नलैजाने

काठमाडौँ । सिसडोलदेखि बञ्चरेडाँडासम्म जाने बाटो मर्मतको काम गर्नुपर्ने भएकाले आज र भोलि काठमाडौं उपत्यकाको फोहोर व्यवस्थापन कार्य प्रभावित हुने भएको छ। नुवाकोटको सिसडोलमा यसअघि थुपारिएको फोहोरको कारण बञ्चरेडाँडासम्म गाडी आउनरजानका लागि…