स्थानीय चुनावमा एमालेभन्दा एक लाख ७५ हजार बढी मत ल्याएको कांग्रेसको दाबी

काठमाडौँ । नेपाली कांग्रेसले वैशाख ३० मा भएको स्थानीय चुनावमा नेकपा एमालेले भन्दा एक लाख ७५ हजार ७६ मत बढी ल्याउँदै पहिलो पार्टी बनेको बताएको छ।  स्थानीय तह केन्द्रीय निर्वाचन परिचालन समितिअन्तर्गत अनुगमन, मूल्यांकन तथा सुपरिवेक्षण उपसमितिका संयोजक प्रदीप पौडेलले आज समिति संयोजक पूर्णबहादुर खड्कालाई बुझाएको प्रतिवेदनमा कांग्रेसले चुनाव भएका ७५२ पालिकामध्ये ३२९ पालिका प्रमुख जितेको उल्लेख छ।

बाजुराको बूढीगंगा नगरपालिकामा भने चुनाव हुन बाँकी छ। कांग्रेसले ४४ प्रतिशत पालिकामा प्रमुख जितेको बताएको छ। अहिलेसम्म चुनाव भएका सात हजार ६ सय ३३ वडामध्ये दुई हजार छ सय ६५ वडाध्यक्ष जितेको कांग्रेसको भनाइ छ। कांग्रेसले स्थानीय चुनावमा वडा अध्यक्षले ल्याएका मतलाई आधार मानेर एमालेभन्दा बढी मत ल्याएको बताएको छ। कांग्रेसले ३८ लाख ८३ हजार एक सय ३८ मत ल्याएको बताएको छ।

जुन नेकपा एमालेका वडा अध्यक्षहरूले पाएको मतभन्दा एक लाख ७५ हजार ७६ मत बढी हुन आउने प्रतिवेदनमा उल्लेख छ। सातै प्रदेशमा अरू दलभन्दा कांग्रेस अगाडि रहेको पाइएको पनि पौडेलले बताउनुभयो। बागमती र कर्णाली प्रदेशमा एमालेभन्दा दोब्बर संख्यामा प्रतिनिधि जितेको दाबी कांग्रेसको छ।०७४ मा कांग्रेसले स्थानीय तह चुनावमा २६६ पालिका प्रमुख जितेको थियो।कांग्रेसले २९८ पालिकामा भने उम्मेदवारी नै नदिइएको बताएको छ। ३२४ ठाउँमा स्थानीय चुनावमा सत्ता गठबन्धनबीच कांग्रेसले गठबन्धन गरेको थियो।सेतोपाटीबाट

सम्बन्धित समाचार

thumbnail

धवलागिरी गाउँपालिकाको ४० करोड ४९ लाख ४९ हजार रुपैयाँ बजेट पारित

म्याग्दी । म्याग्दीको धवलागिरी गाउँपालिकामा कुल  ४० करोड ४९ लाख ४९ हजार रुपैयाँको बजेट पारित भएको छ । गाउँपालिकाको केन्द्र मुनामा सम्पन्न १६ औँ गाउँ सभामा अध्यक्ष प्रेमप्रसाद पुनले प्रस्तुत गर्नुभएको आगामी…

thumbnail

रघुगंगा गाउँपालिकाको ४६ करोड ८६ लाख २५ हजार रुपैयाँ बजेट पारित

बेनी । म्याग्दीको रघुगंगा गाउँपालिकाले आगामी आर्थिक वर्ष २०७९र८० का लागि रु ४६ करोड ८६ लाख २५ हजार बराबरको बजेट पारित गरेको छ । शुक्रवार सम्पन्न १३ औँ गाउँ सभामा गाउँपालिका अध्यक्ष…

thumbnail

मंगला गाउँपालिकाको १३ औँ गाउँसभा : ४२ करोड ३४ लाखको बजेट पारित

म्याग्दी । म्याग्दीको मंगला गाउँपालिकाले आर्थिक बर्ष २०७९÷०८० का लागि ४२ करोड ३४ लाखको बजेट ल्याएको छ । शुक्रबार गाउँपालिकाको केन्द्र बाबियाचौरमा आयोजित १३ औँ गाउँ सभामा गाउँपालिकाका उपाध्यक्ष प्रेम कुमारी खत्रीले…